Раиси вилояти Хатлон Давлатшоҳ Гулмаҳмадзода рӯзи 18-уми ноябр дар шаҳри Норак президенти Бонки аврупоии таҷдиду рушд (БАТР) ҷаноби Сума Чакрабартиро ба ҳузур пазируфт.

Бино ба иттилои маркази матбуоти дастгоҳи раиси вилояти Хатлон, зимни мулоқот масъалаҳои ҳамкориҳои дуҷониба дар самтҳои гуногун, аз ҷумла дар соҳаи энергетика, нақлиёт, коммуникатсия, кишоварзӣ ва ғайра баррасӣ шуданд.

Д.Гулмаҳмадзода ба роҳбарияти бонки номбурда пешниҳод кард, ки бо дастгирии молиявии ин бонк дар шаҳри Норак барои истироҳати ҷавонон ва наврасон «Аквапарк» ва роҳи бо банд ҳаракаткунанда то обанбори Норак сохта шавад.

Меҳмонон баъд аз ин вохӯрӣ бо фаъолияти нерӯгоҳи Норак аз наздик ошно гардида, ҳамчунин аз обанбори Норак боздид намуданд.