Сокини Душанбе Баҳриддин Назаров ҷоизаи асосӣ дар бозии лотерея баъди вохӯрии финалӣ барои дарёфти Ҷоми футболи Тоҷикистон – автомашинаи тамғаи «Мерселес-Бенс»-ро бурд кард. Бозӣ рӯзи якшанбе дар Варзишгоҳи марказии ҷумҳуриявӣ миёнаи дастаҳои «Истиқлол»-и Душанбе ва «Регар-ТадАЗ»-и шаҳри Турсунзода доир гардида, бо ғалабаи дастаи «Истиқлол» бо ҳисоби 5 бар 2 анҷом ёфт.

Бино ба иттилои сомонаи расмии Федератсияи футболи Тоҷикистон, баъди анҷоми вохӯрӣ аз рӯйи билетҳои воридшавӣ бозии лотерея гузаронида шуда, донишҷӯи соли сеюми Донишгоҳи давлатии тиббии Тоҷикистон Комил Аминов соҳиби тӯби «Бразука»-и ширкати «Adidas», сокини пойтахт Беҳрӯз Додоҷонов соҳиби телевизионӣ плазмавӣ гардида, ҷоизаи асосии бозии лотерея – автомашинаи тамғаи «Мерседес-Бенс» насиби фурӯшандае аз Душанбе, мухлиси тими «Истиқлол» Баҳриддин Назаров шудааст.

Гуфта мешавад, соҳиби хуштолеъи автомашина гуфтааст, ҳуҷҷати иҷозати ронандагӣ дорад ва сари чамбараки автомашина нишаста, як дафъа гирди варзишгоҳ бо автомашина чарх мезанад ва сипас бо автомашинаи нав ба манзилаш раҳсипор шудааст.