Тибқи қарордод миёни Тоҷикистону Озарбойҷон, кишварҳо ҳамасола тибқи квотаҳо 5 нафар донишҷӯён аз кишварҳоро ба таҳсил фаро мегиранд.

Аз Вазорати маориф ва илми ҶТ ба «Азия-Плюс» дар ин робита иттилоъ доданд, ки тибқи созишномаҳои баимзораисда моҳи октябри соли равон, Тоҷикистон ба ҷудо кардани 5 квота ба шаҳрвандони Озарбойҷон барои давраи пурраи таҳсил дар зинаи аввали маълумоти олӣ, яъне бакалавриат уҳдадор аст.

«Дар курсҳои магистратура Тоҷикистон ба Озарбойҷон ду квота ва дарёфти увони илмии сатҳи номзади илм (Dосtог оf Рhilоsорhу) 1 ҷой ҷудо мекунад. Озарбойҷон низ ба иҷрои чунин шартҳо уҳдадор аст», - гуфтанд дар вазорат.

Ба иттилои манбаъ, ҳамчунин мувофиқи қарордодҳо, Тоҷикистону Озарбойҷон таҳсили ройгони донишҷӯёни тибқи квотаҳои дуҷониба ба таҳсил фарогирифташуда бар асоси қонунгузории миллии амалкунанда, истифодаи ройгон аз китобхонаи муассисаи таълимӣ ва шароити иқомат дар хобгоҳ бидуни пардохти маблағро таъмин мекунанд.

Қобили зикр аст, ки аз ҳисоби буҷети кишварҳои хориҷӣ (тибқи квота) донишҷӯёни тоҷик асосан дар муассисаҳои таълимии Русия, Украина, Белорус, Қазоқистон, Қирғизистон, Туркманистон, Эрон ва Чин таҳсил дошта, Тоҷикистон ҳамасола барои таҳсили донишҷӯёни хориҷӣ дар муассисаҳои таълимии кишвар ҳудуди 300 квота ҷудо мекунад.