Арчаи солинавӣ дар маркази шаҳри Душанбе аз арчаҳои солҳои пешин тафвут дорад. Дигар қуллаи арчаро чун анъана тоҷ ҳамчун рамзи тоҷикон ва ситораҳо оро намедиҳанд.

Директори агентии тадорукоти ҷашнии «О’Бале» ва мушвоир оид ба ороиши арчаи солинавӣ дар маркази пойтахт Мунира Исомова ба «Азия-Плюс» дар ин робита иттилоъ дод, ки акнун дар қуллаи арча монитори рушноидиҳандаи диодӣ насб шудааст, ки онро табрики шаҳрвандон бо соли нав зинат мебахшад.

Ба гуфтаи Исомова таҷҳизоти ороиш ва равшанидиҳандаи арчаи солинавӣ мавриди озмоиш қарор гирифта, имрӯз ба кор дароварда мешаванд,ки хотири сокинону меҳмонони пойтахтро болида месозанд.

Зимнан зикр гардид, ки таҷҳизоту лавозимоти ороиши арчаи солинавии шаҳри Душанбе аз ҳисоби буҷети пойтахт аз хориҷи кишвар дастрас шудааст.

Ёдрас мекунем, ки бо қарори шаҳрдории пойтахт, дар майдони «Дӯстӣ» дар маркази шаҳри Душанбе арчаи солинавии баланлиаш 22 метр гузошта шуд. Рӯзи 31-уми декабр дар ин майдон аз соати 19-00 то 21-00 галаконсерти ситораҳои эстрадаи тоҷик доир гардида, баъди анҷоми он муддати 5 дақиқа мушакпарронӣ (фейерверк) сурат мегирад.