Дар намоишномаи театришуда рӯзии 22 март дар варзишгоҳи «20-солагии истиқлолияти Тоҷикистон» дар шаҳри Хуҷанд беш аз 7 ҳазор нафар иштирок мекунанд.

Тавре ба «Азия-Плюс» як манбаъ аз ҳукумати ҷумҳурӣ хабар дод, дар чорабиниҳои идонавии миқёси ҷумҳуриявӣ дар Хуҷанд президенти Тоҷикистон Эмомалӣ Раҳмон иштирок ва суханронӣ мекунад.

Ба иттилои манбаъ, дар варзишгоҳи «20-солагии истиқлолияти Тоҷикистон» бо беш аз 25 ҳазор ҷойи нишаст ҳунармандони маъруфи кишвар ширкат хоҳанд варзид.

Соли равон таҷлили ҷашни Наврӯз дар кишвар бидуни иштироки сарони дигар кишварҳо дар назар аст. Тайи солҳои ахир аз ин таҷриба кор гирифта мешуд.

Президенти мамлакат Эмомалӣ Раҳмон рӯзи 21 март бо сафари корӣ озими минтақаи шимоли ҷумҳурӣ шуда, муддати 4 рӯз ӯ дар вилояти Суғд ҳузур хоҳад дошт.