Муовини сардори Раёсати тандурустии минтақаи Кӯлоби вилояти Хатлон Мирзоралӣ Миралиев дар суҳбат бо хабарнигори «Азия-Плюс» маълумот дар бораи ҳолатҳои ҳамлаи хукони ваҳшӣ ба одамон дар деҳаи Каримбердии ҷамоати Худоёр Раҷабови ноҳияи Восеъро, ки бар асари он Наргис Исматоваи 10-сола ҳалок шудаву1 тан аз омӯзгорони деҳа осеб дидааст, тасдиқ намуд.

Ба гуфтаи ӯ, ин ҳодиса як моҳ қабл рух дода, давоми моҳи сипаришуда бо нерӯи мақомоти ҳифзи ҳуқуқи ноҳия бо хукони ёбоии қотил муборизаи қотеъона ба роҳ монда шуд. «Ҳимояи аҳолӣ то комилан аз байн рафтани таҳдидҳо амалӣ мешавад», - афзуд номбурда.