Бозори хариду фурӯши автомашинаҳои шаҳри Душанбе ё маъруф миёни мардум ба номи «Мошинбозор», ки дар қаламрави маҳаллаи Гипрозем ҷойигир буд ва бо қарори раиси шаҳри Душанбе аз 1 июн бояд аз қаламрави шаҳр берун бароварда шавад, минбаъд дар қаламрави деҳаи Чимтеппаи ноҳияи Рӯдакӣ ба фаъолият оғоз мекунад.

Тавре ба «Азия-Плюс» як манбаъ аз маъмурияти раиси ноҳияи Рӯдакӣ дар ин робита иттилоъ дод, айни замон дар қаламрави барои ин бозор ҷудошуда сохтмони истгоҳҳо барои автомобилҳо ва нуқтаҳои хӯроки умумӣ дар арафаи анҷомёбист.

«Аллакай рӯзи шанбеи оянда - 6 июн хариду фурӯши автомашинаҳо дар ин бозор шурӯъ мешавад», - таъкид дошт манбаъ.