Рӯзҳои баргузории Конфронси байнулмилалии сатҳи баланд дар Душанбе ( 9-11 июн) ба ҳаракати нақлиёт дар маркази пойтахт метавон гуфт, ки маҳдудияте ҷорӣ намешавад.

Тавре ба «Азия-Плюс» як манбаъ аз Шуъбаи БДА Раёсати ВКД Тоҷикистон дар ин робита иттилоъ дод, зимни ҳаракати қатораҳои нақлиёти ҳайатҳои кишварҳои хориҷӣ ва созмонҳои байнулмилалӣ ба макони асосии баргузории конфронс - маҷмааи «Кохи Сомон», ҳаракати нақлиёт метавонад ҳамагӣ ба муддати 2-3 дақиқагӣ баста шавад.

«Имрӯз тақрибан соати 13 ташрифи нахуствазири Қирғизистон Темир Сариев ба Тоҷикистон дар назар буда, дар ин робита ҳаракати воситаҳои нақлиёт аз фурудгоҳ то қароргоҳи ҳукумати Тоҷикистон барои як вақти муайяне маҳдуд мешавад», - гуфт манбаъ.

Зимнан зикр гардид, ки шоми имрӯз низ дар робита ба ташрифи нахуствазири Покистон Муҳаммад Навоз Шариф ба Душанбе, маҳдуд шудани ҳаракати нақлиёт ба як вақти муайян дар ин қитъаи роҳ пешбинӣ шудааст.