Пас аз анҷоми вохӯрии даври аввали марҳилаи интихобии Чемпионати ҷаҳон-2018 оид ба футбол миёни дастаҳои Тоҷикистону Урдун (1 бар 3) миёни тамошобинон тибқи рақамҳои билет бозии лотерея гузаронида шуд.

Бино ба иттилои Федератсияи футболи Тоҷикистон, аз рӯйи натиҷаҳои он хонандаи синфи 10-уми мактаби миёнаи №67-и ноҳияи Рӯдакӣ Суннатулло Давлатов телефони «iPhone», омӯзгори Донишкадаи молия ва иқтисоди Тоҷикистон Қутбиддин Муқимов планшети iPad бурд карда, ба ҷоиза асосӣ - автомашинаи Мерседес-Бенс» нафақахӯр аз шаҳри Ваҳдат Абдураҳмон Назаров соҳиб шуд.

«Айни замон эҳсосоти ман дугуна аст. Шодам, ки бо билетам бурд кардам ва дар ҳамин ҳол, мушаввашам, ки дастаи мунтахаби мо бозиро бохт. Аҳсан ба Алишер Тӯйчиев, ки якчанд маротиба даровзаро аз гол эмин нигоҳ дошт. Ба аназари ман, ҳариф бо ҳунараш моро шикаст дод. Ба ҳар ҳол, дастаи онҳо ботаҷрибатару боҳунартар аст», - иброз дошт Абдураҳмон Назаров пас аз анҷоми бозии лотерея.