Корҳои таъмиру азнавсозии масҷиди марказии ба номи Ҳоҷӣ Яъқуб дар шаҳри Душанбе, ки моҳи май шурӯъ гардида буд, ба итмом расид. Рӯзи ҷумъаи ҳафтаи гузашта, 25 декабр дар ин масҷид маросими ҷашни мавлуди пайғамбар Муҳаммад (с) гузаронида шуд.

Тавре ба «Азия-Плюс» як манбаъ аз Маркази исломии ҷумҳурӣ хабар дод, маблағи корҳои таъмиру азнавсозии масҷид аз ҷониби соҳибкорони маҳаллӣ таъмин шудааст.

Масҷиди марказии ҷомеъаи Душанбе дар майдони наздикии Маркази исломӣ воқеъ буда, созмони динӣ аст ва мутобиқи Кодекси гражданӣ, қонуни ҶТ «Дар бораи озодии виҷдон ва иитиҳодияҳои динӣ» ва қарори Маҷлиси умумии муассисон таъсис дода шудааст.

Раиси Маркази исломӣ ҳамзамон имомхатиби масҷид ва раиси Шӯрои уламои Тоҷикистон мебошад.