Аз оғози соли равон беш аз 100 ҳазор нафар гурегаон ва муҳоҷирон ба қаламрави Аврупо ворид шудаанд. Дар ин бора АМИТ «Ховар» бо такя ба маълумоти Созмони байналмилалии муҳоҷират (СБМ) хабар медиҳад.

Бино ба иттилои манбаъ, теъдоди гурезагон ва муҳоҷироне, ки аз оғози соли 2016 тавассути баҳри Миёназамин ба Аврупо ворид гардидаанд, ба зиёда аз 100 ҳазор нафар расида, аз ин теъдод, беш аз 97 ҳазор тавассути Юнон ва боқимонда тавассути Италия вориди Аврупо шудаанд.

Гуфта мешавад, илова бар ин, бино ба маълумоти СБМ, дар ҳамин давра 410 нафар ҳангоми вуруд ба Аврупо ҳалок гардидаанд.