Федератсияи байнулмилалии Ҷамъиятҳои Салиби Сурх ва Ҳилоли Аҳмар ва Фонди русиягии «СПИД инфосвязь» дар бораи ифтитоҳи Маркази иттиилоотӣ-маърифатӣ барои муҳоҷирони корӣ созишномаи грантӣ ба имзо расониданд.

Маркази мазкур дар доираи амалисозии Барномаи Русия «Мусоидат ба кишварҳои Аврупои Шарқӣ ва Осиёи Марказӣ дар мубориза бо ВИЧ/СПИД ва дигар бемориҳои сироятӣ» боз шуда, дар он ифтитоҳи марказ дар шаҳри Қӯрғонтеппаи вилояти Хатлон, ки шумори бештарини муҳоҷирони корӣ дар Русияро дорад, пешбинӣ шудааст.

Дар марказ хизматгузориҳои беҳбуди сатҳи огаҳӣ ва омодагӣ то ба сафари муҳоҷирати шаҳрвандони Тоҷикистон ба Русия, баланд бардоштани сатҳи огаҳии муҳоҷирони имконпазир оид ба масоили пешгирӣ аз бемории СПИД ва сил, ташаккули малакаҳои масъулият доштан ба солимии худ, азхуд кардани қонунгузории будубош дар Русия ва дигар масоили ҳуқуқӣ пешниҳод мешаванд.

Ҳамчунин дар марказ ба масъалаҳои ба омӯзиши забони русӣ фаро гирифтани муҳоҷирони имконпазир ва асосҳои кор бо компютер ҳамчун омилҳои муҳими мутобиқшавии муҳоҷирони корӣ таваҷҷуҳи хосса зоҳир хоҳад шуд.