Дар бораи баргузор намудани мусобиқаи ҷумҳуриявии  «Соли бунёди боғҳои фарҳангӣ - фароғатӣ» дар шаҳри Душанбе қарори раиси пойтахт Маҳмадсаид Убайдуллоев ба имзо расид.

Бино ба иттилои хадамоти матбуоти мақомоти шаҳрдории пойтахт, тибқи ин қарор комиссия таъсис дода шуда, ба ҳайати он муовинони раиси шаҳр, вакилони маҷлиси вакилони халқи пойтахт, олимони бахши биология ва намояндагони Вазорати фарҳанги ҷумҳурӣ шомил гардиданд.

Гуфта мешавад, ба аъзои комиссия мазкур дастур дода шудааст, ки беҳтарин боғи фарҳангу фароғатии шаҳри Душанберо муайян намуда, тавсияи худро барои тасдиқ намудан ба раиси шаҳри Душанбе  пешниҳод намоянд.