Донишгоҳи давлатии Хуҷанд (ДДХ) бори нахуст ба феҳристи сегонаи беҳтарин мактабҳои олии Тоҷикистон шомил гардид.

«Соли хониши имсол барои донишгоҳ хеле пурсамар буд. Дар маҷлиси ҷамъбастии Вазорати маориф ва илми ҷумҳурӣ рейтинги макотиби олии кишвар эълон шуда, ДДХ ба номи академик Бобоҷон Ғафуров баъди Донишгоҳи миллии Тоҷикистон ва Донишгоҳи давлатии тиббии Тоҷикистон мақоми сеюмро касб кард», - изҳор дошт зимни нишасти хабарӣ ректори ДДХ Анвар Мақсудов.

Ба гуфтаи ректор, дар Олимпиадаи донишҷӯёни мактабҳои олии ҷумҳурӣ низ барои дарёфти ҷоизаи «Ҷоми Академияи илмҳои Тоҷикистон» ДДХ баъди Донишгоҳи миллии Тоҷикистон зинаи дуюмро ишғол кардааст.

Роҳбари муассисаи таълимӣ ҳамчунин ба журналистон дар бораи мубориза бо падидаҳои коррусмионӣ дар донишгоҳ, ҷалби донишҷӯён ба чорабиниҳо бахшида ба ҷашни 25-умин солгарди Истиқлолияти давлатии Тоҷикистон ва давоми ду соли охир ба сафҳои гурӯҳҳои ифротгаро пайваст нашудани ҳеҷ кадоме аз донишҷӯёни ДДХ маълумот дод.