Ашъори бештар писандидаи шоир ва журналисти маъруф Сардор Раҳдор дар маҷмӯаи нав гирдоварӣ шуданд. Ин китоб санаи 4 ноябр ба муносибати 65-солагии шоир дар Маркази исмоилияи Душанбе муаррифӣ шуд.

Дар ин маросим сиёсатмадорону дипломатҳо, ҳунармандону рӯзноманигрон ва дӯстдорони назм ҳузур доштанд.

Аз осори шоир шеърҳо қироат шуда, сурудҳои ӯ аз ҷониби овозхонони маъруфе чун Нобовар Чаноров, Шуҳрат Сайнаков ва дигарон ба иҷро расиданд.

Сардор Раҳдор
Asia-Plus

Китоб аз шеъру тарона, дубайтиҳо, қиссаву сурудҳое иборат аст, ки Сардор Раҳдор тӯли чандин сол онҳоро таълиф кардааст. Ҳамчунин дар маҷмӯъа зарбулмасалу мақолҳое низ гирдоварӣ шудаанд, ки миёни мардуми он сарзамин маъруф аст.

Қаблан дар суҳбат бо Sputnik Тоҷикистон Сардор Раҳдор дар ин робита изҳор намуда буд, ки кӯшидааст дар ин маҷмӯа осореро баргузинад, ки бо афкори хурдсолону кӯдакон созгор бошанд ва ҳамчунин панду насиҳатҳое дар он ҷой дода шудааст.