Аз 2 то 30 ноябр роҳе, ки аз Боғи фарҳангу истироҳати ба номи Фирдавсӣ тариқи мағозаи “Зебо” то бозори “Корвон” меравад, баста мешавад.

Бино ба маълумоти мақомоти шаҳрдории пойтахт, корҳои таъмиру навсозӣ аз тарафи Дирексияи сохтмони иншооти ҳукуматии Дастгоҳи иҷроияи Президенти Тоҷикистон анҷом дода мешаванд.

Гуфта мешавад, дар ин робита, аз ронандагони воситаҳои нақлиёт хоҳиш карда мешавад, ки бо мақсади таъмини бехатарии ҳаракат дар роҳ, дар ин рӯзҳо аз кӯчаҳои ҳамшафат бо риояи талаботи «Қоидаҳои ҳаракат дар роҳ»-ҳо истифода баранд.

Хабарҳои моро дар Telegram пайгирӣ намоед, ба шабакаи мо бо суроғаи  https://t.me/asiaplus  ҳамроҳ шавед.