Ҳайъати таҳририяи гуруҳи расонаҳои “Asia - Plus” ҳамаи модарон – бонувони азизи Тоҷикистонро ба муносибати Рӯзи модар табрик менамояд.

Модарон – бонувони меҳрубон! Мо дар симои шумо олиҳаи бахту саодат ва зебоиро мебинем. Шумо бо меҳру вафоятон шӯълаи ишқу умедро абадӣ гардонида, эҳсоси инсониро дурахши пурҷило бахшидаед.

Ба ҳамин хотир, аҳли башар ба шумо арҷ мегузоранд, бузургиатонро ситоиш менамоянд ва дар наздатон сари таъзим фуруд меоранд.

Лоиқ Шералӣ барҳақ фармудааст:

Ту монанди замин танҳоӣ, модар,

Ту монанди замин яктоӣ, модар...

Меҳри модари мушфиқу ғамхор барои ҳар як фарзанд аз оғӯши гаҳвора ва айёми тифлӣ оғоз ёфта, ӯро то лаҳзаҳои вопасини умр раҳнамоӣ мекунад ва мадору қувват медиҳад.

Бори дигар модарон – бонувони азизро бо ин ҷашни мубораку фараҳбахш табрик карда, ба шумо хушбахтиву иқболи нек, толеи баланд ва рӯзгори ободу осударо орзу менамоем.

Рӯзи модар муборак, бонувони гиромӣ!!!