Рӯзи “Фалак” ҳамасола 10-уми октябр ҷашн гирифта мешавад.

Ба иттилои Вазорати фарҳанги ҶТ, ин шом дар Филармонияи давлатии Тоҷикистон ба номи Акашариф Ҷӯраев ба ифтихори Рӯзи фалак барномаи консертии идона бо номи «Дил, биё як дам кунем ёд аз Фалак» баргузор мегардад.

Дар ин барномаи консертӣ ҳофизи халқии Тоҷикистон Раҳматулло Ҳошимов, ансамбли фолклории “Ганҷина” ва зиёда аз 20 нафар сарояндагон ҳунарнамоӣ мекунанд.

Қобили зикр аст, ки дар соли 2007 раисҷумҳури Тоҷикистон 10-уми октябрро Рӯзи фалак эълон карда буд. Аз ҳамон сол инҷониб дар ин рӯз барномаҳои консертӣ ва чорабиниҳои гуногун доир мешаванд.

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.