Дар шимолии Тоҷикистон давоми даҳ моҳи соли ҷорӣ 10 ҳазору 537 нафар фавтиданд, ки дар муқоиса ба ҳамин давраи як соли пеш 1294 марги одамон зиёд шудааст.
Бино ба маълумоти шӯъбаи Раёсати асноди ҳолати шаҳрвандӣ дар Суғд, шаҳри Хуҷанд дар сархати зиёдшавии омори марг ҷой гирифт, ки 233 ҳолати фавт дар ин шаҳр назар ба як соли пеш зиёд шудааст. Соли ҷорӣ бинобар хӯрӯҷи пандемия дар шабакаҳои иҷтимоӣ ва расонаҳои хабарӣ низ аз марги сокинони Хуҷанд бештар хабарҳо дарҷ мегардад.
Ноҳияи Бобоҷон Ғафуров яке аз ноҳияи сернуфузтарин ва калонтарини Тоҷикистон аст. Аҳолияш аз аҳолии Хуҷанд бамаротиб зиёд аст ва дар муқоиса ба даҳ моҳи соли гузашта имсол 209 фавт дар ин ҷой зиёд шудааст. ва баъди шаҳри Хуҷанд дар ҷойи дуюми тафовути омори марг нисбат ба як соли пеш қарор гирифт. Дар шаҳру ноҳияҳои Истаравшан, Панҷакент, Ҷаббор Расулов низ зиёдшавии марг мушоҳида мешавад, ки дар ин минтақаҳо нисбати соли гузашат аз 100 то 200 нафар бештар фавтидаанд.
Сардори шӯъбаи Раёсати асноди ҳолати шаҳрвандӣ дар вилояти Суғд Лолахон Файззода дар сӯҳбат бо “Азия Плюс” гуфт, соли ҷорӣ дар шаҳрҳои Конибодом 57 ва Гулистон 9 мавриди марг нисбат ба соли гузашата кам шудааст. Аммо дар 16 шаҳру навоҳии боқимонда “мотамҳои хонаводагӣ" бамаротиб зиёд шудааст.
Вилояти Суғд соли ҷорӣ бинобар хурӯҷи вируси ҳамагир ва марги “ҷеҳраҳои тобонаш” бо ин далел дар сархати расонаҳо ҷой гирифт. Корбарони шабакаҳои иҷтимоӣ низ бештар аз марги пайвандону чеҳраҳои маъруф дар ин вилоят менависанд.
Ҳафтаи гузашта сардори Раёсати тандурустии вилояти Суғд Фаррух Мақсудзода дар сӯҳбат бо “Азия Плюс” шаҳру навоҳии Ашт, Бобоҷон Ғафуров, Исфара, Панҷакент ва Истаравшанро аз минтақаҳои осебпазири бемории ҳамагир ном буд. Ва аз ҷадвали омори марг низ мушоҳида мешавад, ки дар ин ҷойҳо имсол одамон бештар фавтидаанд вале оморе, ки чанд тан аз онҳо бо далели коронавирус ҷон бохтанд дастрас нест.
Мақомот тасмим дорад дар ин панҷ шаҳру навоҳӣ то охири сол марказҳои ташхиси бемории коронавирусро ташкил кунад, ки феълан чунин ташхисгоҳ танҳо дар Хуҷанд мавҷуд аст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Роҳ ба сӯи Тиён-Шон”: дар Тоҷикистон рушди роҳҳои мошингард баррасӣ шуд
ВКД сабаби ҳодисаи марбут ба зани 23-соларо, ки аз ошёнаи 5-ум дар Кӯлоб афтод, шарҳ дод
Чаро Тоҷикистон дар безараргардонии фурӯзонакҳои каммасраф муваффақ нашуд?
“Воридот ва фурӯши сатру либоси сиёҳ манъ аст”. Ин ба кори фурӯшандагон чӣ гуна таъсир мерасонад?
Бар зидди писари раиси бозори Ёвон парвандаи ҷиноӣ боз карданд. Ҷузъиёти кордзании хонандагон
Боришот зиёдтар мешавад: обуҳавои моҳи июн дар Тоҷикистон
“Худам шоҳу табъам вазир?”. Мансабдороне, ки парвои интиқод надоранд
Эмомалӣ Раҳмон аз фориғболиву бемасъулиятии роҳбарони муассисаҳо, роҳбарони илмӣ ва докторантҳо гуфт
КОА беасос будани фошкориҳои “Диссернет”-ро собит накард. Интиқоди дубора ва шадиди Эмомалӣ Раҳмон аз асардуздии олимони тоҷик
Боз як ширкати Чин дар МОИ “Панҷ” неругоҳи барқи офтобӣ месозад
Кулли ахбор
Авторизуйтесь, пожалуйста