Давоми ду рӯзи истироҳати гузашта, тибқи маълумоти Вазорати тандурустӣ, шумори сироятёфтагон аз коронавирус дар Тоҷикистон 88 нафар зиёд шуд.

Бино ба маълумоти Вазорати тандурустии ҶТ, теъдоди умумии сироятёфтагон аз оғози пандемия ба 14 ҳазору 125 нафар расид.

Дар ин муддат боз як нафар фавтида, шумори фавтидагон аз ин беморӣ аз оғози пандемия 111 нафарро ташкил медиҳад.

Теъдоди шифоёфтагон аз беморӣ то имрӯз 13 ҳазору 717  нафар ё худ 97,1%-ро ташкил медиҳад. Давоми ду шабонарӯз 58 нафар шифо ёфтаанд.

Қобили зикр аст, ки дар ҷумҳурӣ маъракаи ваксиназанӣ ҷараён дорад. Тибқи маълумоти Вазорати тандурустӣ, дар Тоҷикистон то 16 июл 421 ҳазору 832 нафар ваксинаи зидди коронавирус гирифта, 20 ҳазору 190 кас ҳар ду воя (доза)-и ваксинаро гирифтаанд.

Ёдрас мекунем, ки 3 июл Ситоди ҷумҳуриявии муқовимат бо паҳншавии сирояти нави COVID-19 ваксингирии шаҳрвандони синни аз 18-сола болоро дар Тоҷикистон ҳатмӣ эълон намуд.

Айни замон дар ҷумҳурӣ аз ду ваксинаи зидди коронавирус - AstraZeneca ва CoronaVac истифода мешавад.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.