Мақсудҷон Муҳиддинҷонов, аккоси моҳир ва суратгири собиқи раисҷумҳури Тоҷикистон дар синни 73-солагӣ дар Душанбе аз олам даргузашт. Дар ин бора дӯстону ҳамкорони марҳум хабар доданд.
Ӯ солҳои охир дар Агентии миллии иттилоотии Тоҷикистон “Ховар” фаъолият мекард.
Муҳиддинҷонов соли 1950 дар Фархор, дар оилаи коргар ба дунё омадааст. Соли 1977 Донишгоҳи давлатии шаҳри Саратови Федератсияи Русияро бо ихтисоси филолог-муаллими забони русӣ хатм намудааст.
Фаъолияти кориашро ба ҳайси шогирди рассоми комбинати хизмати маишии ноҳияи Фархор ва баъдан мухбир-суратгири рӯзномаи “Гулистон”-и ноҳияи Фархор оғоз намуда, то аксбардори раисҷумҳури Тоҷикистон расидааст.
Ӯ як муддат мураббии хобгоҳи Техникуми геологии Тоҷикистон, мудири шуъбаи сурат-ахбори “ТоҷикТА”, сармуҳаррири редаксияи “Фотохроника”-и “ТоҷикТА”, мухбир-суратгири рӯзномаи “Тоҷикистон” низ кор кардааст.
Солҳои охир ҳамчун мухбир-суратгири Маркази иттилоотии Тоҷикистон “Ховар”, ки дертар ба Агентии миллии иттилоотии Тоҷикистон “Ховар” ивази ном кард, фаъолият намудааст.
Мақсудҷон Муҳиддинҷонов солҳои зиёд ҳамчун суратгири Президенти Ҷумҳурии Тоҷикистон хизмати шоиста намудааст.
Хизматҳои ӯ бо медали “Хизмати шоиста” ва “Корманди шоистаи Тоҷикистон” қадрдонӣ шудаанд.
Ҳайати кормандони гурӯҳи расонаҳои “Азия-Плюс” ба наздикону пайвандони марҳум ҳамдардии амиқ изҳор дошта, ба онҳо аз даргоҳи Худованд сабри ҷамил металабанд!
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Як додраси тоҷик ба гирифтани қариб 129 ҳазор сомонӣ пора муттаҳам дониста мешавад
Нақшаи даъвати баҳорӣ 90% иҷро шуд. Кадом вилоятҳо нақшаро комил карданд?
Кристалина Георгиева: “Таассуротамон аз Тоҷикистон хеле мусбат аст”
Кулли ахбор
Авторизуйтесь, пожалуйста