Дирӯз, 30-юми август Эмомалӣ Раҳмон, раисҷумҳури Тоҷикистон ба беш аз 200 чеҳраи илму адабу фарҳангу санъат, кормандони касбу кори гуногун мукофот ва унвону ҷоизаҳои давлатӣ дод. Маълум кардем, ки киҳо ба унвонҳои халқӣ ва корманду ҳунарпешаи шоиста сазовор дониста шуданд.
Лаълҷӯбаи Мирзоҳасан унвони Шоири халқии Тоҷикистон ва Абдуғаффор Абдуҷаббор - Нависандаи халқии Тоҷикистон гирифтанд.
Имсол, танҳо як нафар унвони Ҳофизи халқии Тоҷикистонро гирифт: Убайдулло Каромат.
Ҳамчунин, Моҳрухсор Сафиева, овозхони тоҷик ва Баҳром Қодиров, навозандаи тоҷик унвони Ҳунарпешаи халқии Тоҷикистонро соҳиб гардидаанд.
Улмас Мирсаидов, ягона олими тоҷик унвони Арбоби илм ва техникаи Тоҷикистонро соҳиб гардид.
Имсол, шумораи гирандагони ҳунарпеша ва ҳунарманди шоиста аз ҳисоби овозхон ва ҳунарпешаҳои ҷавон зиёдтар буд. Моҳпайкар Ёрова ва Мирзоумари Мирзоаҳмад, ҳунарпешаҳои шинотаи театру синамои тоҷик аз ҷумлаи оҳо буданд.
Ҳамчунин, аз овозхонони ҷавон, Нигина Амонқулова, Гуласал Пӯлодова, Дилноза Каримова, Фахриддини Малик, Зикриоллоҳ Ҳакимов, Фотима Машрабова, Таҳмина Ниёзова, Гулбаҳор Шокирова, Хуршед Иброҳимзода, Сироҷиддин Ҷӯраев, Акназар Аловатов, Ҷобиршо Хубоншоев ба унвони Ҳунарманди шоистаи Тоҷикистон қадрдонӣ гардиданд. Дар маҷмуъ, 19 нафар унвони Ҳунарпешаи шоистаи Тоҷикистонро гирифтанд.
Ба кормандони касбу кори гуногун, дар маҷмуъ ба 20 нафар унвони Корманди шоистаи Тоҷикистон тақдим шуд.
Аз ҷумла, Маҷид Салим, шоир ва рӯзноманигор, Дилафрӯз Амирзода, роҳбари телевизони “Сайёҳӣ ва ҳунарҳои мардумӣ”, Субҳиддин Шамсиддинзода, роҳбари АМИТ “Ховар”, Шамсуддинзода Садриддин, роҳбари Телевизиони “Ҷаҳоннамо”, Набӣ Набизода, роҳбари телевизиони “Синамо” ба унвони Корманди шоиста мушарраф гирдаданд.
Ғайр аз ин, 2 нафар бо орденҳои “Спитамен” дараҷаҳои I ва II, 7 нафар - бо ордени “Шараф” дараҷаи II, 25 нафар - бо медали “Ҷасорат”, 105 нафар - бо медали “Хизмати шоиста”, 7 нафар - бо медали “Шафқат” ва 11 нафар - бо Ифтихорномаи Ҷумҳурии Тоҷикистон сарфароз гардонида шуданд.
Ҳамчунин 12 нафар барандагони ҷоизаи ба номи Исмоили Сомонӣ дар соли 2023 гардиданд. Ба 15 нафар ҷоизаи давлатии Ҷумҳурии Тоҷикистон барои олимону омӯзгорони фанҳои табиатшиносӣ, дақиқ ва риёзӣ дар соли 2023 тақдим шуд.
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Пешниҳоди Рустами Эмомалиро СММ қабул кард. Акнун ҳамасола 25 май - Рӯзи ҷаҳонии футбол таҷлил мешавад
Дар пайи тирпаронӣ дар марзи Тоҷикистону Қирғизистон як омӯзгори тоҷик захмӣ шуд. Тафсилоти пурраи ҳодиса
Охири ҳафта борони шадид меборад ва раъду барқ мешавад. Огоҳии КҲФ ба сокинони кишвар
Дар радабандии кишварҳои камбизоат Тоҷикистон дар ҷойи чандум аст?
Кулли ахбор
Авторизуйтесь, пожалуйста