Таҷлили ҷашни байнулмилалии Наврӯз имсол ба моҳи шарифи Рамазон рост меояд.
Дар ин робита ҳамаи чорабиниҳои фарҳангӣ асосан шомгоҳон баргузор мешаванд. Дар ин бора ба “Азия-Плюс” аз шаҳрдории пойтахт хабар доданд.
“Чунин тасмим барои он гирифта шуд, ки ҷашнро шахсони рӯзадор низ дар моҳи шарифи Рамазон таҷлил карда тавонанд”, - гуфтанд дар шаҳрдорӣ.
Қобили зикр аст, ки моҳи шарифи Рамазон имсол 11 март оғоз гардида, то 9 апрел давом мекунад. Давоми рӯз рӯзадорон аз истеъмоли таъом ва нӯшокиҳо худдорӣ мекунанд.
Ба иттилои манбаъ, рӯзҳои 19-20 март чорабиниҳои идона шомгоҳон дар тамоми боғҳои шаҳр баргузор мешаванд.
“Ошпазҳо таъомҳои миллии болаззат пухта, занон дар дегҳои калон ба пухтани суманак машғул мешаванд”, - хабар дод манбаъ.
Ба гуфтаи манбаъ, баргузории чорабиниҳои идона дар боғҳои “Куруши Кабир” дар ноҳияи Шоҳмансур, ба номи Садриддин Айнӣ дар ноҳияи Исмоили Сомонӣ, ба номи Фирдавсӣ дар ноҳияи Фирдавсӣ ва Умари Хайём дар ноҳияи Сино ба нақша гирифта шудааст.
Чорабиниҳои асосӣ бахшида ба ҷашни Наврӯз дар сатҳи ҷумҳуриявӣ имсол рӯзи 21 март дар майдони “Истиқлол”-и пойтахт бо иштироки президенти Тоҷикистон баргузор мешаванд.
Дар ин рӯз, тибқи маълумоти шаҳрдорӣ, мувофиқи қарори раиси шаҳр Рустами Эмомалӣ раҳпаймоии “Корвони Наврӯз” доир гардида, барномаҳои фарҳангиву фароғатӣ, мусобиқаҳои гуногуни варзишӣ ва сайругаштҳои идона ташкил карда мешаванд.
Рӯзи 22 март дар “Боғи Ирам” Кумитаи рушди сайёҳӣ бахшида ба расму оинҳои ҷашни Наврӯз чорабинӣ ташкил мекунад.
Наврӯз ҷашни эҳёи олами хуфта, бедории табиат, оғози корҳои кишоварзӣ мебошад, ки паёмовари фасли баҳор, навшавии сол, омадани фасли гармо ба шумор меравад. 23 феврали соли 2023 Маҷмаи Умумии СММ 21 мартро ҳамчун Рӯзи байнулмилалии Наврӯз эътироф намуд. Ҳамчунин ҷашни Наврӯз ба руйхати мероси ғайримоддии башарии ЮНЕСКО дохил шудааст.
“Худам шоҳу табъам вазир?”. Мансабдороне, ки парвои интиқод надоранд
Эмомалӣ Раҳмон аз фориғболиву бемасъулиятии роҳбарони муассисаҳо, роҳбарони илмӣ ва докторантҳо гуфт
КОА беасос будани фошкориҳои “Диссернет”-ро собит накард. Интиқоди дубора ва шадиди Эмомалӣ Раҳмон аз асардуздии олимони тоҷик
Боз як ширкати Чин дар МОИ “Панҷ” неругоҳи барқи офтобӣ месозад
Таҳқиқи суқути чархболи Иброҳим Раисӣ. Мақомоти Эрон гузориши дуввуми худро нашр карданд
Чанд нафар ҷудокорони тоҷик ба Олимпиадаи Париж мераванд?
Дар семоҳаи аввали соли 2024 ҳудуди 22 ҳазор хориҷиён аз Русия хориҷ шуданд
Эъдоми қариб 1200 кас дар 16 кишвари ҷаҳон
Дар як кӯчаи Душанбе ҳаракати нақлиёт барои се моҳ маҳдуд мешавад
Баъди танқиди раиси Бохтар ду масъули маркази дилхушӣ 5 шабонарӯз ҳабс шуданд
Кулли ахбор
Авторизуйтесь, пожалуйста