Дар мактабҳои Тоҷикистон аз моҳи сентябр пули иҷораи китобҳои дарсӣ тариқи ғайринақдӣ пардохт мешавад. Дар ин бора Наврӯзи Мирзо, сухангӯи Вазорати маориф ва илми Тоҷикистон ба “Азия-Плюс” хабар дод.
Ба гуфтаи ӯ, аз соли нави хониш - сентябри соли 2024 дар ҳама мактабҳои кишвар пули иҷораи китобҳои дарсӣ ба таври ғайринақдӣ супорида мешавад ва вазорат барои ин замина фароҳам овардааст.
“Вазорати маориф ва илм бо бонки “Амонатбонк” дар ин робита ҳамкорӣ карда истодааст ва ба наздикӣ дар дохили барномаи мобилии “Амонат мобайл” қисмати пардохтҳои ғайринақдии иҷораи китобҳои дарсӣ дар он илова карда мешавад”, - гуфт ҳамсуҳбати мо.
Ӯ афзуд, ки пас аз таҳияи ин барнома волидон метавонанд бо истифода аз телефони мобилӣ пули иҷораи китобҳои дарсии фарзандони худро пардохт кунанд.
Ба гуфтаи Наврӯзи Мирзо, Вазорати маориф ва илми Тоҷикистон ба василаи ин барнома низоми иҷораи китобҳои дарсӣ ва маводи таълимӣ, аз ҷумла даромад, хароҷот, пардохтҳои ғайринақдиро назорат мекунад ва маблағ ба суратҳисоби махсуси Вазорат ворид карда мешавад.
Сухангӯи Вазорат таъкид кард, ки то оғози соли нави хониш ин барнома дар ҳама мактабҳои миёнаи кишвар ҷорӣ карда мешавад.
Ёдовар мешавем, ки шурӯъ аз моҳи августи соли 2023 Тоҷикистон ба низоми пардохти ғайринақдӣ гузашт.
Ба гуфтаи кошиносон чанд омил, аз ҷумла омода набудани сокинон, мушкилоти барқ ва интернет боиси пурра ҷорӣ нашудани низоми мазкур мегардад.
“Мадина” чӣ гуна занони бешавҳарро ба ҷои кор таъмин мекунад?
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Кулли ахбор
Авторизуйтесь, пожалуйста