Ширкати ҳавопаймоии “Сомон-Эйр” аз 5 июн шумори парвозҳоро бо хатсайри Душанбе-Мюнхен (Олмон) зиёд мекунад.

Тавре ки хадамоти матбуоти ширкат хабар медиҳад, парвозҳо ба ин самт акнун ҳафтае 2 маротиба - рӯзҳои чоршанбе ва шанбе анҷом дода мешаванд.

“Парвозҳо аз Душанбе соати 00:10 ва аз Мюнхен - соати 17:00 ба вақти маҳаллӣ ба нақша гирифта шудааст. Парвозҳо бо ҳавопаймоҳои тамғаи Боинг 737-800 ва 737-900 иҷро карда мешаванд”, - хабар медиҳад хадамоти матбуоти ширкат.

Гуфта мешавад,  зиёд шудани шумори парвозҳо аз Душанбе ба Мюнхен барои мусофирон ҷиҳати банақшагирии сафари худ бо назардошти навгониҳо дар ҷадвали парвозҳо ба ин самт имкониятҳои бештар фароҳам меорад.

Дар Telegram, Facebook ва Instagram бо мо бимонед.