Эҳсон Ҳомидов, директори Театри давлатии мусиқӣ - мазҳакавии ба номи Камоли Хуҷандӣ дар посух ба як матлаби “Asia-Plus” оид ба тарки пеша карда, ба муҳоҷират рафтани Сӯҳроб Шехов, саркоргардон ва Фаёзҷон Бойматов, ҳунарманди ин театр, иттилоъ дод, ки саркоргардон “бо сабаби вазъи номусоиди оилавӣ” аз вазифа озод карда шуд.
“Санаи 2-юми августи соли 2024 зимни нишасти матбуотӣ иттилоъ дода шуд, ки саркоргардони театри мазкур Сӯҳроб Шехов ба муҳоҷирати меҳнатӣ нарафта, балки дар рухсатии меҳнатӣ қарор дорад. Дар он замон воқеан ҳам саркоргардони театр Сӯҳроб Шехов дар рухсатии меҳнатӣ қарор дошт.
Сӯҳроб Шехов бо сабаби вазъи номусоиди оилавӣ 5-уми августи соли 2024 бо хоҳиши худ аз вазифа озод карда шуд.
Лозим ба ёдоварист, ки Суҳроб Шехов дар Театри давлатии масҳака-мусиқии ба номи Камоли Хуҷандӣ ба ҳайси саркоргардони театр солҳои 2017 -2024 фаъолият бурдааст”, - гуфта мешавад дар вокуниши директори Театри давлатии мусиқӣ - мазҳакавии ба номи Камоли Хуҷандӣ, ки 30-юми август ба хабарнигори “Asia-Plus” дар вилояти Суғд ирсол шудааст.
Матлаби “Asia-Plus” бо номи “Бехонагӣ ва беқадрии ҳунарманд. Чаро саркоргардони театри Камоли Хуҷандӣ тарки пеша кард?” дирӯз, 29-уми август нашр шуд ва дар он Сӯҳроб Шехов сабаби тарки пеша карда, ду моҳ ин ҷониб ба муҳоҷират рафтани худро ба гаронии иҷорапуливу вазнинии зиндагӣ ва дастгирӣ наёфтан аз сӯйи ҳукумати вилоят рабт дода буд. Фаёзҷон Бойматов ҳам зикр карда буд, ки “бо сабаби камии маош ва шароити вазнини зиндагӣ тарки пеша кардааст”.
Дар матлаби нашркардаи “Asia-Plus” ҳамчунин, назари Эҳсон Ҳомидов, директори Театри давлатии мусиқӣ - мазҳакавии ба номи Камоли Хуҷандӣ, ки 2-юми августи соли ҷорӣ, зимни нишасти матбуотӣ зикр кард, дарҷ гардида буд. Он замон ӯ гуфта буд, ки Сӯҳроб Шехов “ҳоло низ дар рухсатӣ аст, на дар муҳоҷирати меҳнатӣ”.
Аммо дар вокуниши Эҳсон Ҳомидов “вазъи номусоиди оилавӣ”-и саркоргардон, даъвои ӯ оид ба сабаби воқеии тарки пеша карда, ба муҳоҷират рафтанаш, ки дар матлаби нашргардида зикр мешавад, шарҳ дода нашудааст.
Ҳамчунин, дар оид ба гуфтаҳои Фаёзҷон Бойматов, ҳунарманди дигари ин театр низ шарҳе пешниҳод нашудааст.
Дар ҳамон нишасти матбуотии ахир Бахтиёр Қосимов, сардори Раёсати фарҳанги вилояти Суғд тасдиқ кард, ки аз мушкили иҷоранишинии Сӯҳроб ва муроҷиатҳои ӯ ба ҳукумати вилоят огоҳ буд ва ба ӯ маслиҳат дод, ки боз соле сабр кунад.
“Замоне Сӯҳроб намоишҳои театриро ба хориҷа бурд, раиси вилояти Суғд харҷоти онро пардохт карданд. Боварам буд, дар масъалаи таъмини хона низ дастгирӣ мекарданд, аммо Сӯҳроб сабр накарду рафт”, - гуфт ӯ.
“Шавҳаратро ёфта биёр, пулатро мерӯёнем”. Саргардонии як зан барои рӯёнидани ҳаққи кӯдаконаш аз падарашон
Боздошти як мард бо гумони фиреби хоҳишмандони кор дар Аврупо
“Хабари паҳнгардида асос надорад!”. Милитсияи пойтахт гуфт, ба аҳолӣ тавассути “WhatsApp” паём нафиристодааст
Раиси як ҷамоатро барои “ҳоҷиошӣ” беш аз 57 ҳазор сомонӣ ҷарима ва аз вазифа барканор карданд
Бекор шудани маҳдудият дар фурӯши гази моеъ нархи онро каме поин кард
Дар Ховалинг мактаберо ба номи як қурбонии низои марзии Тоҷикистону Қирғизистон гузоштанд
Ӯзбекистон расмиёти дохилии тартиби соддакунии боркашонӣ бо Тоҷикистонро ба анҷом расонид
Шаҳрвандии Русия дореду дар қайди ҳарбӣ нестед. Метавонед аз шаҳрвандӣ маҳрум шавед
Оё электромобилҳо метавонанд камбуди мавсимии неруи барқро дар Тоҷикистон зиёдтар кунанд?
Зиндагии маъмулӣ пас аз зиндон. Маҳбусони собиқ чӣ гуна ба он бармегарданд?
Кулли ахбор
Авторизуйтесь, пожалуйста