Дар Душанбе аз 1 сентябр шумори нақлиёти ҷамъиятӣ 20% зиёд карда мешавад, хабар доданд ба “Азия-Плюс”” аз корхонаи “Душанбенақлиётхадамотрасон”.
Зикр шуд, ки ин тасмим барои он гирифта шуд, ки баъди чанд рӯз соли нави хониш оғоз гардида, теъдоди мусофирон ба таври назаррас зиёд мешавад. Қобили зикр аст, ки ин таҷриба чандин сол роиҷ аст.
Айни замон дар роҳҳои шаҳр 305 автобус равуо дошта, аз 1 сентябр шумори онҳо ба 375 адад расонида мешавад. Мутаносибан шумори троллейбусҳо аз 55 адад то 75 адад зиёд карда мешавад.
Дар робита ба микроавтобусҳо (маршруткаҳо) бошад, ҳозир шумори онҳо 950 ададро ташкил медиҳад ва аз 1 сентябр боз 100 микроавтобуси дигар илова мешавад.
Шумори таксиҳо аз 3200 адад то 3350 адад зиёд карда мешавад, яъне 150 адад таксии дигар зиёд карда мешавад.
Дар назар аст, ки ин шумори нақлиёти ҷамъиятӣ барои қонеъ намудани талаботи сокинони шаҳр кофӣ хоҳад буд.
Дар ҳамин ҳол, дар корхона зикр карданд, ки агар ин тадбирҳо барои хидматрасонии муосир ва бароҳати сокинни шаҳр кофӣ нашавад, дар мавриди боз зиёд кардани шумори нақлиёти ҷамъиятӣ тадбирҳои иловагӣ андешида мешаванд.
Қобили зикр аст, ки сокинони Душанбе аллакай ҳозир аз норасоии нақлиёти ҷамъиятӣ дар баъзе хатсайрҳо арзу шикоят мекунанд. Бо оғози соли нави хониш вазъ метавонад боз ҳам мушкилтар шавад.
“Шавҳаратро ёфта биёр, пулатро мерӯёнем”. Саргардонии як зан барои рӯёнидани ҳаққи кӯдаконаш аз падарашон
Боздошти як мард бо гумони фиреби хоҳишмандони кор дар Аврупо
“Хабари паҳнгардида асос надорад!”. Милитсияи пойтахт гуфт, ба аҳолӣ тавассути “WhatsApp” паём нафиристодааст
Раиси як ҷамоатро барои “ҳоҷиошӣ” беш аз 57 ҳазор сомонӣ ҷарима ва аз вазифа барканор карданд
Бекор шудани маҳдудият дар фурӯши гази моеъ нархи онро каме поин кард
Дар Ховалинг мактаберо ба номи як қурбонии низои марзии Тоҷикистону Қирғизистон гузоштанд
Ӯзбекистон расмиёти дохилии тартиби соддакунии боркашонӣ бо Тоҷикистонро ба анҷом расонид
Шаҳрвандии Русия дореду дар қайди ҳарбӣ нестед. Метавонед аз шаҳрвандӣ маҳрум шавед
Оё электромобилҳо метавонанд камбуди мавсимии неруи барқро дар Тоҷикистон зиёдтар кунанд?
Зиндагии маъмулӣ пас аз зиндон. Маҳбусони собиқ чӣ гуна ба он бармегарданд?
Кулли ахбор
Авторизуйтесь, пожалуйста