Хонаводае дар шимоли Тоҷикистон ҳафт моҳ ин ҷониб, аз ҳамон рӯзе, ки ба толори консерти “Крокус Сити Ҳолл” ҳамла шуд ва бо гумони содир кардани он чанд шарҳванди Тоҷикистон дар шароити мармуз боздошт гардид, интизори сардори оилаи худ мебошад.

Манучеҳр Болтуев, сокини шаҳри Хуҷанд аст, ки чандин сол ба Русия барои муҳоҷирати корӣ мерафт ва дар шаҳру навоҳии атрофи Маскав ба сохтмон машғул буд.

Бори охир ӯ ҳафт моҳ пеш, шаби 22 ба 23-юми марти соли 2023, дақиқан ҳамон шабе, ки ба толори консерти “Крокус Сити Ҳолл” ҳамла шуд ба хонаводааш тамос гирифта мегӯяд, аз сабаби шароита бад доштан, тариқи мошин ва аз қаламрави Ӯзбекистон ба Ватан бармегардад. Аммо бо ҳамин дигар бедарак шудааст.

“9 моҳ дар Русия буд. Он ҷо ҷарроҳӣ шуд ва хост, ки баргардад. 19-уми март ба роҳ баромад, дар Маскав 3 рӯз дар меҳмонхона, интизори нақлиёт буд. Ва рӯзи 22-юми март ба роҳ баромад. Вале соати 23-и шаб занг заду гуфт, ки ман дар автобус меравам, вале маро дар нимароҳ фароварданд, намедонам, ки инҷо куҷо аст. Дар WhatsApp (тариқи навор) нишон дод, роҳи калон буд. Мо суҳбат кардем. Вале пас аз ин дигар натавонистем бо ӯ тамос гирем”, - мегӯяд Сайҳуна Музаффарова, ҳамсари Манучеҳр Болтуев.

Муроҷиати оилаи Манучеҳр Болтуев  ба мақомот чӣ натиҷа дод ва ҳоло онҳо чӣ рӯзгоре доранд? Муфассал дар гузориши зерин бубинед:

Дар Telegram, Facebook ва Instagram бо мо бимонед.