Пайдо кардани ҳоҷатхона дар шаҳрҳои калон, махсусан пойтахтҳои давлатҳо на ҳамеша осон аст. Аз ҷумла дар Душанбе чандин сол аст, ки мушкили дастрасии ҳоҷатхона мавриди баҳс қарор мегирад.

Дар Хадамоти санитарӣ-эпидемиологии шаҳри Душанбе ба “Азия-Плюс” гуфтанд, ки дар пойтахт ҳамагӣ 73 ҳоҷатхонаи ҷамъиятӣ кор мекунад, ки 11-тои он давлатӣ буда, дар бозору марказҳои савдо, иншооти давлатӣ ва боғҳои фароғатӣ ҷойгиранд.

Дар ноҳияи Сино - 22, Шоҳмансур - 10, Фирдавсӣ – 27, Исмоили Сомонӣ – 14-ҳоҷатхона амал мекунад.

Бояд гуфт, истифода аз ҳоҷатхона пулакӣ буда, аз 1 сомониву 50 дирам то 2 сомонӣ пардохт бояд кард.

Аммо бо ин ҳам, баъзан меҳмонони пойтахт дар шабакаҳои иҷтимоӣ шикоят мекунанд, ки пайдо кардани ҳоҷатхона душвор аст.

Бо ин назардошт, “Азия-Плюс” харитаи ҳоҷатхонаи ҷамъиятӣ дар шаҳри Душанберо омода кард.

Дар Telegram, Facebook ва Instagram бо мо бимонед.