Вазорати нақлиёти Ӯзбекистон эълон кард, ки роҳандозии хатсайрҳои нави байнулмилалии автобусро дар нақша дорад Ин хатсайрҳо ҳамлу нақли мусофирон байни Ӯзбекистон ва кишварҳои Осиёи Марказӣ, инчунин Русия ва Чинро таъмин мекунанд.
Тавре ки хадамоти матбуоти Вазорати нақлиёти Ӯзбекистон хабар медиҳад, хатсайрҳо ба Тоҷикистон байни шаҳрҳои Самарқанд – Душанбе ва Бухоро – Душанбе роҳандозӣ мешаванд.
Ҳамчунин ташкили хатсайрҳои автобус ба самтҳои зерин низ дар назар аст:
Қазоқистон
Бухоро – Туркистон
Ургенҷ – Актау
Фарғона – Алмато (тариқи Тоҷикистон)
Қирғизистон
Андиҷон – Ош
Андиҷон – Ҷалолобод
Андиҷон – Арсланбоб
Косонсой – Ҷалолобод
Бухоро – Бишкек
Русия
Сурхондарё – Бухоро –Ургенҷ – Нуқус – Маскав
Ургенҷ– Нуқус – Уфа
Нуқус – Краснодар
Тошканд – Уфа
Тошканд – Краснодар
Чин
Нуқус – Ургенҷ – Бухоро – Урумчӣ.
Ба иттилои манбаъ, ин хатсайрҳо робитаи нақлиётиро байни давлатҳо ба таври назаррас беҳтар намуда, сафарҳоро барои шаҳрвандони кишварҳои минтақа бароҳаттар мекунанд.
Вазорати нақлиёти Ӯзбекистон дигар ширкатҳои мусофирбари манфиатдор ба ташкили хатсайрҳои байнулмилалиро даъват мекунад, ки бо пешниҳодҳо ба вазорат муроҷиат кунанд. Инчунин, вазорат омода аст дархостҳои ширкатҳои хориҷиро, ки мехоҳанд хатсайрҳои мутақобила дар самтҳои мазкурро анҷом диҳанд, баррасӣ намояд.
Илова бар ин, Вазорати нақлиёт пешниҳодҳоро оид ба роҳандозии хатсайрҳо дар дигар самтҳои байналмилалӣ низ қабул мекунад. Барои ҳамаи ҷонибҳои манфиатдор рақами тамоси зерин дастрас аст: +998 (71) 202 05 00 (535), (116), (110).
Билетҳои хатсайрҳои нави байналмилалӣ, аз ҷумла хатсайрҳои дохили Ӯзбекистон ва ба дигар кишварҳо, тавассути сомонаи расмии avtoticket.uz ва замимаҳои мобилии ATTO ва UzBUS дастрасанд.
Ёдрас мекунем, ки соли 2022 аз Тоҷикистон ба Ӯзбекистон ба якчанд шаҳрҳо хатсайрҳои нави байнулмилалии автобус роҳандозӣ шуда буданд. Ба ин хатсайрҳо ширкати «Холдинг Азия Групп Тоҷикистон» хидматрасонӣ мекунад.
Руcский