Дар пойтахти Бангладеш - шаҳри Дакка бинои истиқоматии 5 ошёна ногаҳон фурӯ рафт.

Бино ба иттилои сомонаи расмии шабакаи телевизиони «Ҷаҳоннамо», бар асари ин ҳодиса 11 нафар ба ҳалокат расида, даҳҳо тани дигар дар зери ҳаробаҳо дармондаанд ва то ҳол шумораи дармондагони зери харобаҳо мушаххас карда нашудааст.

Гуфта мешавад, ҳангоми фурӯ рафтани ошёнаи якуми бино кормандони Хадамоти наҷотдиҳӣ ва ҳолатҳои фавқулода қисми зиёди бошандагони дохили биноро ба ҷойи бехавф кӯчониданд.

Зимнан зикр мегардад, ки сабаби фурӯ рафтани бино то ҳол муайян карда нашуда, дар маҳалли ҳодиса корҳои ҷустуҷӯйӣ ва тафтишотӣ идома доранд.