Дар пойтахти Фаронса шаҳри Порис (Париж) хиёбоне ба ифтихори Аҳмадшоҳ Масъуд, Қаҳрамони миллии Афғонистон ва раҳбари ҷиҳоду муқовимати мардуми Афғонистон бо неруҳои Шӯравӣ ва "Толибон" номгузорӣ шуд.

Дар расми бозкушоии ин хиёбон Аҳмад Масъуд, писари Аҳмадшоҳ Масъуд, доктор Абдуллоҳ Абдуллоҳ, раиси Шӯрои олии мусолиҳаии миллии Афғонистон ва Ҳомид Карзай, раисҷумҳури пешини Афғонистон ширкат кардаанд.

Ин хиёбон дар наздикии хиёбони марказии Порис ё Шанз Элиза (Елисейские Поля) мавқеият дорад.

Анна Идалгӯ, шаҳрдори Порис дар саҳфаи Твиттераш бо гузоштани чанд аксе аз ин маросим навиштааст: "Аз фармондеҳ Масъуд, Қаҳрамони муқовимати Афғонистон барои ҳамеша ба унвони қаҳрамони озодӣ ва муборизи алайҳи торикӣ ёд хоҳад шуд". 
1/47

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.