Станислав Шушкевич, нахустин роҳбари Белорус пас аз фурӯпошии Иттиҳоди Шӯравӣ, дар Минск, бар асари беморие, ки дошт, субҳи имрӯз, 4-уми май дар сини 87-солагӣ даргузашт.  Дар бораи марги Шушкевич ҳамсараш Ирина Шушкевич хабар додааст. 

Шушкевич аз соли 1991 то 1994 раиси Шӯрои Олии Белорус буд.

Ин сиёсатмадор солҳои тӯлонӣ ҳизби "Грамадаи сотсиалдемокоратии Белорус"-ро раҳбарӣ мекард ва аз мунтақидони сарсахти Лукашенко, раҳбари кунунии кишвар буд.

Шушкевич дар баробари Борис Елтсин президенти вақти Русия ва Леонид Кравчук раисҷумҳури онзамонии Укроин "Созишномаи Беловежск"-ро имзо карданд, ки фурӯпоошии Иттиҳоди ҷамоҳури Шӯравиро расман таъйид кард. Ин Созишнома барҳам хӯрдани ИҶШС ва таъсиси Иттиҳоди давлатҳои мустақилро замонат медод. 

Дар Telegram, Facebook, Instagram, OK ва ВК бо мо бимонед.