Селе, ки шаби шанбе, 20 август дар вилояти Лугар боиси марги 20 нафар ва бесарпаноҳ гаштани беш аз 3 ҳазор оила гардид, Толибонро* маҷбур сохт, ки аз ҷомеаи ҷаҳонӣ кӯмак талаб намоянд.
Мавлавӣ Шарафуддин Муслим, муовини сарпарасти вазорати расидагӣ ба ҳаводис, ки ба вулусволии Хушии вилояти Лугар рафтааст, кӯмакҳои анҷомшударо барои осебдидагон басанда надониста, аз Созмони Милали Муттаҳид хостааст, ки ба осебдидагон кӯмак кунад, хабар медиҳад “Tolonews”.
Ин масъули Толибон* гуфтааст «мардум ҷо ба ҷо шуда ва маводи хӯрока барояшон оварда шудааст, вале ин кифоя намекунад”.
Ба гуфтаи манбаъ, осебдидагон аз мушкилоти зиёд, аз ҷумла раванди кӯмакрасонии ниҳодҳои ёрирасон, об, хӯрок ва дору шикоят кардаанд.
Дар ҳамин ҳол, Ҳикматуллоҳ Сангрӣ, фармондеҳи пулиси вулусволии Хушӣ, гуфтааст: “Ба ҷаҳон садо мекунем, ки ба бошандагони вулсволии Хушӣ сарпаноҳ созанд, ҳамкорӣ кунанд ва ба мушкилашон расидагӣ намоянд”.
Ёдовар мешавем, ки селҳои шаби шанбе, 20 август дар вулусволии Хушии вилояти Лугар омада, 20 нафарро қурбон карда, се ҳазор оиларо бехона сохт. Гуфта мешавад, ҳоло бисёре аз сокинони ин вилоят дар фазои бозу зери чодарҳо ва теъдоде дар масҷидҳо ва мактабҳо зиндагӣ мекунанд.
Зикр кардан ба маврид аст, ки Толибон дар ҳоле аз ҷомеаи ҷаҳон кӯмак хостанд, ки ҳеҷ як аз давлатҳои ҷаҳон ҳукумати сарпарасти ташкилнамудаи онҳоро ба расмият намешиносанд ва бо онҳо расман ҳамкорӣ намекунанд.
*Дар Тоҷикистон гурӯҳи террористӣ эътироф шудааст
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Абдунабӣ Сатторзода: Лоиқро ба ҳарду майдон даъват мекарданд, аммо ӯ ёри на “Шаҳидон” ва на “Озодӣ” буд
Эмомалӣ Раҳмон дар робита ба ҳалокати Саидиброҳим Раисӣ ва ҳайати ҳамроҳаш изҳори ҳамдардӣ кард
Тайи 10 сол Чин ба иқтисоди Тоҷикистон 3,8 млрд доллар сармоягузорӣ кард
Хисороти боришоти шадиди рӯзҳои ахир дар кишвар
Тотористон ронандагон ва муҳандисони тоҷикро ба кор ҷалб кардан мехоҳад
Хадамоти алоқа: ширкатҳои мобилӣ дар се моҳ беш аз 1 млрд сомонӣ даромад ба даст овардаанд
Иброҳим Раисӣ ва ҳамроҳонаш ба ҳалокат расидаанд. Ноиби раиси ҷумҳури Эрон ин хабарро расман тасдиқ кард
Чархболи суқуткардаи Иброҳим Раисӣ пайдо шуд, аммо тақдири ӯ ва ҳамроҳонаш норӯшан аст
“Мадина” чӣ гуна занони бешавҳарро ба ҷои кор таъмин мекунад?
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Кулли ахбор
Авторизуйтесь, пожалуйста