Дар пайи таркиши бомб, ки дишаб, 13-уми ноябр, дар маркази шаҳри Истамбули Туркия рух дод, 6 нафар ба ҳалокат расида, беш аз 80 нафар ҷароҳат бардоштаанд.
Миёни кушташудагон ва ҷароҳатбардоштагон шаҳрвандони Тоҷикистон нестанд, хабар додааст ОИ “Авесто” бо такя ба вазорати корҳои хориҷии Тоҷикистон.
Дар ҳамин ҳол, Раҷаб Тайиб Эрдуғон, президенти Туркия, ин ҳамларо маҳкум карда гуфт, таркиш дар наздикии майдони Тақсим рух додааст.
“Воҳидҳои дахлдори давлати мо барои пайдо кардани масъулони ин ҳамлаи даҳшатбор кор мекунанд”, - гуфт Эрдуғон дар нишасти хабарие, ки тавассути шабакаҳои телевизионии Туркия мустақиман пахш шуд.
Таркиш дар кӯчаи пиёдагардҳои Истиқлол, ки миёни сайёҳон ва сокинони маҳаллӣ маъруф аст, рух додааст. Ба гуфтаи Фуат Октай, ноиби президенти Туркия, таркишро як зан ба амал овардааст.
“Ҳамлакунанда зан буд, вай бомбаро тарконд. Ин аз амали террористӣ шаҳодат медиҳад”, - гуфт ӯ.
Ба гуфтаи Октой, чаҳор нафар дар ҷои инфиҷор ва ду нафари дигар баъдтар, дар бемористон ба ҳалокат расидаанд. Ба таҳқиқи ин ҳамлаи террористӣ 14 муфаттиши Додситонии кулли Туркия ва коршиносони додгоҳӣ машғуланд.
Октой гуфт: “Ҳар кӣ дар паси ин ҳодиса бошад, дар дохили марзҳои мо ё дар ҳар гӯшаи ҷаҳон, мо ба онҳо мерасем. Ин афрод ба Туркия бурда, ба додгоҳ кашида мешаванд ва муҷозот хоҳанд шуд”.
Ёдовар мешавем, ки қаблан, солҳои 2015-2016 низ дар кӯчаи Истиқлоли Истамбул чанд таркиш рух дод ва он замон масъулияти ҳамларо гурӯҳи “Давлати исломӣ” бар ӯҳда гирифта буд.
Охирин ҳамлаи бузурги террористӣ дар Истамбул шаби 1 январи соли 2017 рух дод, ки як марди мусаллаҳ бо автомати Калашников ба клуби шабона дар соҳили Босфор ворид шуда, ба сӯи меҳмонон тир кушод.
Дар ин ҳамла 39 нафар кушта ва 69 нафар маҷрӯҳ шуданд.
“Мадина” чӣ гуна занони бешавҳарро ба ҷои кор таъмин мекунад?
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Кулли ахбор
Авторизуйтесь, пожалуйста