Амаруллоҳ Солеҳ, муовини раисҷмҳури фирории Афғонистон дар вокуниш ба изҳороти ахири Майк Помпео, собиқ вазири хориҷаи Амрико гуфтааст, ки Ғанӣ мехост “сулҳи воқеӣ” биёяд, аммо “тасмими пинҳонии Амрико таҳвилдиҳии Афғонистон ба Покистон буд”.
Муовини пешини раисҷумҳури фирорӣ дар шабакаи Твиттер бо “маккор” хондани Майк Помпео Амрикоро муқассири аслии суқути Афғонистон донистааст.
“Амрико бо тасмими пинҳонӣ барои таҳвилдҳии Афғонистон ба Покистон, мехост барои ҷанги бузургтар дар Украина омода шавад”, - навиштааст Амруҳҳол Солеҳ.
Ӯ афзудааст, ки дар ҳошияи нишасти амниятии Мюнхен “ман ба ин маккор эҳтимолотро тавзеҳ додам ва ёздаҳ далел овардам, ки кишвари моро ба покистониҳо ва террористҳо медиҳед ва ин сулҳ намеовард”.
Ӯ бо интиқод аз амалкарди Амрико дар баробари Афғонистон навишт, ки “ин кишвар инсониятро ба хотири манофеъи стратегӣ зери по кард ва ҳоло осонтарин гурез ҳамин қиссаҳои беасос аст”.
Ин гуфтаҳои Амруллоҳ Солеҳ дар ҳолест, ки ба иттилои aamajnews24, собиқ вазири хориҷаи Амрико ба тозагӣ гуфтааст, ки Ашраф Ғанӣ интихоботро дуздида буд, вале худро раисҷумҳури интихобшуда мехонд. Ӯ афзудааст, ки ҳаргиз аз Ашраф Ғанӣ нахоста буд аз қудрат канор биравад. Аммо ба гуфтаи ӯ бо Ғанӣ ба “танг” омада буд.
Чаро Твиттери Амруллоҳ Солеҳ масдуд шуд?
Пас аз нашри ин гуфтаҳо Твиттери Амруллоҳ Солеҳ масдуд шуд. Масдуд шудани Твиттери муовини раисҷумҳури фирории Афғонистон дар ҳолест, ки тақрибан ҳамаи афроди ҳукумати сарпарасти Толибон* дар ин шабака бемамоният фаъолият мекунанд ва ҳатто нишонии кабуд низ доранд.
Бо гузашти як рӯз ва интиқодҳои шадиди ҷонибдорони Амруллоҳ Солеҳ Твиттер дубора саҳфаи ӯро боз кард.
*Дар Тоҷикистон гурӯҳи террористӣ эътироф шудааст
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
“Мадина” чӣ гуна занони бешавҳарро ба ҷои кор таъмин мекунад?
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Кулли ахбор
Авторизуйтесь, пожалуйста