Созмони ҷаҳонии беҳдошт (СҶБ) мақоми пандемияро барои бемории сироятии коронавирус (COVID-19) лағв мекунад, иттилоъ додааст директори генералии ин созмон Тедрос Гебрейесус.
Тедрос Гебрейесус дирӯз, 5-уми май, зикр карда, ки тайи як соли охир кумитаи изтирории СҶБ “маълумотҳоро ҳамаҷониба барои коҳиш додани шиддати хатари COVID-19 таҳлил ва баррасӣ менамуд, ки кай вақти муносиб фаро мерасад”, - иқтибос меорад РБК
Кумита дар ҷаласаи 15-уми хеш ба раиси Созмони ҷаҳонии тандурустӣ тавсия дод, ки вазъияти изтирории тандурустии ҷамъиятиро дар робита ба паҳншавии коронавирус бекор кунад.
“Ман розӣ шудам. Аз ин рӯ, бо умеди зиёд ман эълон мекунам, ки COVID-19 дигар мақоми фавқулоддаи тандурустиро надорад”, - гуфтааст роҳбари СҶТ.
Бояд гуфт, ки СҶТ 11-уми марти соли 2020 коронавирусро пандемия эълон карда буд. Ҳамин тариқ, пандемия 3 солу 1 моҳу 24 рӯз давом кард.
Гебрейесус таъкид кардааст, ки лағви вазъи изтирорӣ маънои онро надорад, ки вирус аз байн рафтааст.
“COVID-19 ҷаҳонро аз сар то по чаппа кард. СҶБ аз марги тақрибан 7 миллион нафар хабар дод, аммо мо медонем, ки теъдоди қурбониён чанд маротиба зиёдтар аст - ҳадди аққал 20 миллион”, - гуфт Гебрейесус.
Дар Тоҷикистон, тибқи маълумоти расмӣ, дар давраи пандемия 17 388 ҳолати гирифторӣ ба коронавируси COVID-19 ба қайд гирифта шудааст. Охирин ҳолати сироятёбӣ моҳи феврали соли 2022 ба қайд гирифта шуда буд.
Теъдоди умумии фавтидагон аз сирояти коронавирус дар Тоҷикистон, бино ба иттилои Вазорати тандурустӣ, 124 нафарро ташкил додааст. Аммо як тадқиқоти рӯзноманигорони тоҷик собит кардааст, ки теъдоди воқеии фавтидатон дар Тоҷикистон ҳазорон нафар аст.
“Мадина” чӣ гуна занони бешавҳарро ба ҷои кор таъмин мекунад?
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Кулли ахбор
Авторизуйтесь, пожалуйста