Владимир Путин, раиси ҷумҳури Русия ва Евгений Пригожин, раҳбари Ширкати ҳарбии хусусии “Вагнер” мулоқот кардаанд. Дафтари матбуоти раёсати ҷумҳури Русия эълон кард, ки ин мулоқот ҳанӯз рӯзи 29-уми июн сурат гирифтааст.
Дмитрий Песков, сухангӯи раиси ҷумҳури Русия гуфтааст, “мулоқот 3 соат давом карда, дар он 35 нафар фармондеҳон ва раҳбарони ширкат, аз ҷумла худи Пригожин иштирок кардааст”.
Ба гуфтаи Дмитрий Песков, раиси ҷумҳур Владимир Путин бо роҳбари ШХҲ “Вагнер” ва ҷангҷӯёни ӯ фаъолияти минбаъдаашонро баррасӣ кардааст.
Дар хусуси ин мулоқот тафсилоти бештар дода намешавад. Ҳамчунин, маъулм нест, ки Евгений Пригожин ҳоло дар куҷо аст.
Чанд рӯз пештар Александр Лукашенко, раиси ҷумҳури Белорус гуфта буд, ки Евгений Пригожин дар ин кишвар нест ва ба Русия рафтааст.
“Путин Пригожинро беҳтар аз ман медонад. Онҳо беш аз 30 сол аст, ки шиносанд. Пригожин шояд дар Санкт-Петербург бошад, шояд ба Маскав рафта бошад. Дар Белорус нест”, - гуфт Лукашенко.
Ёдовар мешавем, ки зархаридони “Вагнер” ҷузъи муҳим ва бештар аз ҳама ҳирфаии нерӯҳое ҳастанд, ки дар Украина ба ҷонибдорӣ аз Русия меҷанганд. Онҳо пас аз ҷанги давомдор дар шаҳри Бахмути Украина ва ишғоли он эълон карданд, ки ба истироҳат мераванд.
Дар ин миён роҳбари ин гуруҳ Евгений Пригожин чанд маротиба роҳбарияти Вазорати дифои Русияро интиқод кард.
Шаби 23-юми июн, ин гуруҳ шаҳри Ростови лаби Дони Русияро, ки дар он ҷо маркази фармондеҳии округи ҷанубӣ ҷойгир аст, ишғол кард ва рӯзи 24-уми июн ба тарафи Маскав равон шуд.
Евгений Пригожин гуфт, ҳадафи онҳо барканор кардани фармондеҳони олуда ба фасод ва бемасъулияти артиши Русия буд.
Ӯ дертар бо миёнаравии Александр Лукашенко, раиси ҷумҳурии Беларус, аз ошӯб даст кашид ва ба ин кишвар рафт.
“Мадина” чӣ гуна занони бешавҳарро ба ҷои кор таъмин мекунад?
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Кулли ахбор
Авторизуйтесь, пожалуйста