Намояндагони Ӯзбекистон, Покистон ва Афғонистон ахиран дар шаҳри Исломобод тафоҳумномаи бунёди роҳи оҳани “Фароафғонӣ”-ро имзо карданд. Дар ин бора хабаргузории ТАСС иттилоъ додааст.
Ба гуфтаи манбаъ, ёддошти тафоҳум дар пайи мулоқоти гурӯҳи кории се кишвар ба имзо расид, танҳо масири нави роҳи оҳани мазкур нисбат ба лоиҳаи аввала тағйир хоҳад ёфт.
“Масири роҳи оҳан аз Тирмизи Ӯзбекистон ба Мазори Шариф ва Лугари Афғонистон гузашта, дар гузаргоҳи марзии Харлочии вилояти Пактиё ба қаламрави Покистон мерасад”, - омадааст дар хабар.
Пештар барномарезӣ шуда буд, ки роҳи оҳан тавассути гузаргоҳи сарҳадии “Турхам” дар вилояти Нангарҳор ба хоки Покистон ворид шавад.
Вазорати роҳи оҳани Покистон гуфтааст, ки пайвастани хатҳои роҳи оҳани се кишвар ба рушди тиҷорати минтақаӣ, таробарӣ (транзит) ва ҳамкории дуҷониба миёни кишварҳои ширкаткунанда мусоидат мекунад.
Покистон, Афғонистон ва Ӯзбекистон ҳамчунин дар мавриди харитаи роҳ барои таҳқиқоти техникӣ ва манбаъҳои сармоягузорӣ ҷиҳати иҷрои зудтари ин тарҳ ба мувофиқа расидаанд.
Ба гуфтаи ҷониби Ӯзбекистон, роҳи оҳани мазкур бо тӯли 760 км тавассути Афғонистон муҳлати интиқоли бор ба Покистонро тақрибан 5 рӯз коҳиш дода, хароҷоти ҳамлунақлро бошад, 40 дарсад коҳиш медиҳад.
Тахмин меравад, ки сохтмони лоиҳаи мазкур бо ҳазинаи 6 миллиард доллар то охири соли 2027 анҷом ёфта, дар соли 2030 тариқи роҳи оҳани “Фароафғонӣ” дар 1 сол то 15 миллион тон бор интиқол хоҳад шуд.
Ёдовар мешавем, ки дар сурати амалӣ шудани лоиҳаи роҳи оҳани “Фароафғонӣ”, кишварҳои Иттиҳодияи Аврупо, Русия, Ӯзбекистон ва Афғонистон ба бандарҳои Покистон дар баҳри Араб васл шуда, роҳи нав барои содироти мол ба кишварҳои Ховари Миёна ва Осиёи Ҷанубу Шарқӣ боз мешавад.
Ҳар он чи дар Афғонистон рух медиҳад, метавонед мустақиман дар сужаи мо - Афғонистон бихонед.
Қабр ё қаср? Чаро дар оромгоҳҳои Хуҷанд гӯрҳо фурӯ мераванд?
Боздошти як марди 53-сола бо гумони бо корд захмӣ кардани духтари 8-сола дар Панҷакент
Як соҳибкор ба 10 оилаи эҳтиёҷманди Конибодом хона тақдим кардааст
Милитсияи Душанбе гуфт, фарзандони волидайнеро, ки аз уҳдаи тарбияи онҳо намебароянд, ба муассисаҳои махсус месупорад
Таркиби этникии Осиёи Марказӣ: Кадом халқҳо ва дар кадом кишвар зиндагӣ мекунанд?
“Укроин се сол вақт дошт”. Интиқоди Зеленский, вокуниши Трамп ва натиҷаву вокунишҳо ба музокироти намояндагони Русия ва Амрико
Тоҷикистону Эрон мехоҳанд ҳаҷми табодули молро байни ду кишвар ба $500 млн расонанд
Дар Думаи давлатӣ пешниҳод карданд, ки муҳоҷирон ба муоинаи тиббии такрорӣ уҳдадор шаванд
“Аудиокитоб” бо Субҳон Ҷалилов. Маснавии маънавӣ. Ҳикояи “Амири Тирмиз ва далқаки нодон”
Соли гузашта блогерони Тоҷикистон ҳудуди $2,5 млн даромад ба даст овардаанд
Кулли ахбор
Авторизуйтесь, пожалуйста