“Citibank”, яке аз бонкҳои пурнуфузи Амрико Нозима Ҳусейнова, як корманди ӯзбеки худро, барои интиқоди ҳамлаи артиши Исроил ба Навори Ғазза, аз кор озод кард.
Дар ин бора нашрияи бритониёии Daily Mail хабар медиҳад.
Сухангӯи “Citibank” ба DailyMail гуфтааст, ки шартномаи меҳнатиро бо “корманде, ки дар шабакаҳои иҷтимоӣ чунин як навиштаи бадхоҳонаи зиддисемитизмро нашр кардааст”, лағв кардаанд.
“Мо антисемитизм ва ҳама намуди сухани таҳқиркунандаро таҳаммул нахоҳем кард”, - бо истинод ба ин корманди “Citibank” навиштааст DailyMail.
Нозима Ҳусейнова дар пайи ҳамлаи артиши Исроил ба Ғазза, аз ҷумла ба як бемористон, ки боиси кушта шудани садҳо нафар сокини осоишта гардид, дар саҳифаи иҷтимоии худ навишт, “ҷойи тааҷҷуб нест, ки чаро Ҳитлер мехост аз ҳамаашон халос шавад”.
Ин навишта, дар шабакаҳои иҷтимоӣ ба таври густарда баҳсу баррасӣ гардид ва ба иттилои DailyMail, хашми корбарон низ овард. “Citibank” ин навиштаро “нафратовар” номид ва гуфт, ки бонк суханони бадбиниро таҳаммул намекунад ва Нозима Ҳусейноваро аз кор озод намуд.
Худи Нозима Ҳусайнова то ҳол ба ин тасмими Citibank вокуниш нишон надодааст.
Нозима Ҳусайноваи 25-сола Донишгоҳи шаҳри Ню-Йорк, Коллеҷи Бруклинро бо ихтисоси молия хатм карда, ду соли охир дар “Citibank фаъолият дошт.
Бояд гуфт, ки “Citigroup” яке аз ташкилотҳои молиявии пурнуфузӣ амрикоӣ буда, дар саросари ҷаҳон 250 ҳазор нафар коргар дорад. Тибқи иттилои расонаҳо, кормандони хидматрасон ба муштариён дар ин бонк ҳудуди 72 ҳазор доллар маоши солона мегиранд.
“Мадина” чӣ гуна занони бешавҳарро ба ҷои кор таъмин мекунад?
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Кулли ахбор
Авторизуйтесь, пожалуйста