Ҷейк Салливан, мушовири амнияти миллии Кохи Сафед дар умури иртиботот дар мусоҳиба бо шабакаи телевизионии CNN гуфтааст, ки Амрико, Миср, Қатар ва Исроил дар бораи шартҳои умумии тавофуқ дар бораи раҳоии гаравгонҳо ва оташбаси муваққат дар Ғазза ба созиш расиданд. Дар ин бора Би-би-сӣ хабар медиҳад.
Мушовири амнияти миллии Кохи Сафед гуфтааст, ки музокирот ҳанӯз идома дорад ва Қатару Миср бояд бо Ҳамос ба таври ғайримустақим музокира кунанд.
Аммо дар ҳамин ҳол, ба гузориши расонаҳо артиши Исроил тарҳеро ба кобинаи ҷангии ҳукумати ин кишвар ироа кардааст, то мардуми осоиштаи Фаластиниро аз Рафаҳ, ҷанубтарин шаҳри Ғазза кӯчонад. Ин пешниҳод пас аз он садо дод, ки Бенямин Нетаняҳу, нахуствазири Исроил, бо вуҷуди нигарониҳои шадиди ҷаҳонӣ аз вазъи тақрибан 1,5 миллион нафаре, ки дар Рафаҳ паноҳ бурдаанд, таъкид кард, ки ба ҳамлаҳои низомӣ идома хоҳад дод.
Нетаняҳу таъкид кард, ки ин амалиёти низомӣ метавонад дар тӯли чанд ҳафта кишварашро ба “ғалабаи комил” алайҳи Ҳамос расонад. Ӯ изҳороти худро пас аз нашри гузоришҳо дар бораи он, ки миёнаравҳои байнулмилалӣ дар Порис талош доранд, чаҳорчӯба барои хатми ҷанг ва раҳоии гаравгонҳо эҷод кунанд, баён кард.
Ин дар ҳолест, ки Ҷейк Салливан, мушовири амнияти миллии Кохи Сафед ҳамчунин гуфтааст, Ҷо Байден, раисҷумҳури Амрико, аз тарҳи Исроил барои интиқоли беш аз як миллион паноҳҷӯёни фаластинӣ аз Рафаҳ ба манотиқи дигари Ғазза хабар надорад.
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Пешниҳоди Рустами Эмомалиро СММ қабул кард. Акнун ҳамасола 25 май - Рӯзи ҷаҳонии футбол таҷлил мешавад
Дар пайи тирпаронӣ дар марзи Тоҷикистону Қирғизистон як омӯзгори тоҷик захмӣ шуд. Тафсилоти пурраи ҳодиса
Охири ҳафта борони шадид меборад ва раъду барқ мешавад. Огоҳии КҲФ ба сокинони кишвар
Дар радабандии кишварҳои камбизоат Тоҷикистон дар ҷойи чандум аст?
Кулли ахбор
Авторизуйтесь, пожалуйста