Исроил бо бандҳои асосии барномаи пешниҳодии Ҷо Байден, президенти ИМА дар бораи оташбас дар Ғазза розӣ шудааст.
Дар ин бора мушовири сарвазири Исроил Офир Фалк ба нашрияи "Sunday Times" хабар додааст. Фалк ҳамзамон қайд карда, ки тарҳ нокомил аст ва бояд ба таври назаррас коркард карда шавад.
"Созише, ки мо ба он розӣ шудем, чандон хуб нест, вале мо мехоҳем гаравгонҳо озод шаванд", - изҳор доштааст ӯ.
Ҷо Байден, президенти Амрико рӯзи 31-уми май тарҳи оташбас дар Ғаззаро, ки гуфт, аз ҷониби Исроил пешниҳод шудааст, дар саҳифааш дар шабакаи “X” (Твитери собиқ) эълон кард.
Дар бахши аввали тарҳи пешниҳодии Ҷо Байден, ки аз се марҳила иборат аст, гуфта шудааст, ки бар ивази оташбаси шашҳафтаина нерӯҳои исроилӣ аз минтақаҳои аҳолинишини Ғазза берун мешаванд ва ҲАМОС бар ивази раҳоии садҳо зиндонии фаластинӣ асирони зану солманд ва маҷрӯҳро раҳо мекунад. Оворагони фаластинӣ ба хонаҳои худ бармегарданд ва рӯзе то 600 мошини боркаш бо кумакҳо вориди Ғазза хоҳад шуд. Ҷомеаи ҷаҳонӣ барои оворагон бояд дар ин муддат ҳазорон сарпаноҳи муваққатӣ фиристанд. Агар ин марҳила бо муввафақият пеш рафт, ба пешниҳоди Ҷо Байден, онгаҳ тамоми гаравгонҳоро ҲАМОС бар ивази берун шудани низомиёни Исроил аз Ғазза ва эълони оташбаси доимӣ раҳо мекунад. Дар марҳилаи сеюм ҷасади гаравгонҳои фавтида ба Исроил супурда мешаванд ва тарҳи бозсозии Ғазза бо иштироки Амрико ва ҷомеаи ҷаҳонӣ оғоз мегардад.
ҲАМОС, созмони террористӣ дар Амрико ва Аврупо пешниҳоди Ҷо Байденро дар бораи оташбас дар Ғазза “мусбат” номидааст.
Дар изҳороти ҲАМОС, ки онро хабаргузории Ройтерз иқтибос кардааст, гуфта мешавад, ки ин гурӯҳ ҳар пешниҳод бар ивази оташбаси доимӣ, раҳоии маҳбусони фаластинӣ аз зиндонҳои Исроил ва бозсозии Ғаззаро қабул дорад.
Шаби 1-уми июн ҳазорон нафар дар Исроил даст ба эътироз заданд ва аз ҳукумат хостанд, ки ба оташбас розӣ шуда, гаравгонҳоро раҳо намоянд.
Ҷо Байден гуфтааст, ки ҲАМОС дигар қудрате надорад, ки ба Исроил таҳдид кунад ва тавоноиҳояш заиф шудааст.
Ҷанг дар Ғазза пас аз 7-уми октябри соли 2023, замоне, ки ҲАМОС ба Исроил ҳамла кард, оғоз шуд. ҲАМОС он рӯз беш аз 1200 нафарро дар Исроил кушт ва беш аз 200 нафарро гаравгон гирифт. Исроил дар посух ба Ғазза ҳамла кард ва дар ин ҷанг беш аз 36 ҳазор фаластинӣ кушта шудааст, ки аксараш занону кӯдакон ҳастанд.
Созмони Милали Муттаҳид ва дигар кишварҳои ҷаҳон ҳамлаи Исроил ба Ғаззаро маҳкум кардаанд ва борҳо аз ин кишвар хостанд, ки аз куштани аҳолии осоишта даст кашад. Исроил то кунун ба ҷомеаи ҷаҳонӣ гуш надодааст ва ҳашт моҳ боз Ғаззаро аз осмону замин оташборон мекунад.
“Аудиокитоб” бо Субҳон Ҷалилов. Маснавии маънавӣ. Ҳикояи “Бино шудани кӯр ҳангоми қуръон хондан”
Исроил куштори Яҳё Синвор, роҳбари “Ҳамос”-ро тасдиқ кард
Дар Русия даст доштан дар муҳоҷирати ғайриқонунӣ ҷинояти вазнин дониста мешавад
Нигаронии ХБА аз сатҳи баланди қарзи давлатӣ дар саросари ҷаҳон
Эмомалӣ Раҳмон ба Турсунзода рафт. Кадом иншоот ба истифода дода шуд?
Соли 2023 дар Тоҷикистон 44 ҳазор хонанда баъди синфи 9 таҳсилро қатъ кардааст
Дар Тоҷикистон боз як бонки нав - “Фридом Бонк Тоҷикистон” иҷозаи фаъолият дарёфт кард
Офарандаи яке аз нақшҳо дар филми “Шоҳ Исмоили Сомонӣ” дар садамае ҷон бохтааст
Огоҳии КҲФ аз хатари омадани селҳо дар навоҳии кӯҳӣ
Захираи маводи сӯхт барои соҳаи маориф дар зимистон. Дар куҷо чанд дарсад иҷро шуд?
Кулли ахбор
Авторизуйтесь, пожалуйста