Дар Ҷумҳурии Доғистони Русия рӯзҳои 24, 25 ва 26-уми июн мотами миллӣ эълон шуд. Дар ин бора раисиҷумҳури ин кишвар Сергей Меликов фармони дахлдорро имзо кард.
Мотами миллӣ дар пайи кушта шудани 17 нафар, аз ҷумла 15 корманди полис эълон гардид.
Онҳо дар пайи ҳамлаи афроди ношинос ба як каниса (ибодатгоҳи яҳудиён) ва ду калисо (ибодатгоҳи масеҳиён) дар шаҳри Дарбент, инчунин як посгоҳи полис дар шаҳри Махачқалъа дар шоми 23-уми июн, кушта шуданд.
Ба навиштаи хабаргузории Интерфакс, айни ҳол дар ин кишвар амалиёти зиддитеррористӣ идома дорад.
Зимни ин амалиёт дар Доғистон чанд тан аз ҷангҷӯёне, ки дар Махачқалъа ва Дарбент ҳамла карданд, кушта шудаанд.
Маълумот дар бораи шумораи ҳамлагарон гуногун аст: Кумитаи зиддитеррористӣ аз кушта шудани панҷ террорист хабар медиҳад, раиси ҷумҳури Доғистон Сергей Меликов гуфт, шаш ҷинояткор кушта шуданд.
Дар робита ба ин ҳамла, Кумитаи тафтишотии Русия аз рӯи моддаи 205 Кодекси ҷиноятӣ (амали террористӣ) парванда боз кардааст.
![](https://asiaplustj.info/sites/default/files/articles/338014/%D0%B4%D0%BE%D2%93%D0%B8%D1%81%D1%82%D0%BE%D0%BD%202.jpg)
Ёдовар мешавем, ки дирӯз, 23-уми июн, соати 18:00 дар кӯчаи Ленини шаҳри Дарбент ба як каниса ва ду калисо ҳамла сурат гирифт.
Ҳамчунин, афроди мусаллаҳ ба як постгоҳи полис дар шаҳри Маҳачқалъа оташ кушоданд. Дар он ҷо постгоҳи пулиси роҳ дар кӯчаи Ермошкин ва ҳамчунин синагогаи ҳамсоя мавриди оташ қарор гирифт.
Дар бораи ҳуввияти ҳамлаварони кушташуда расман хабар дода нашудааст. Бино ба гузоришҳои расонаҳо, се нафар аз чаҳор ҷангҷӯи кушташуда писар ва ҷиянҳои раиси ноҳияи Сергокалински Доғистон будаанд.
Сардори ноҳияи Сергокалинский Магомед Умаров боздошт ва барои бозпурсӣ фиристода шуд, гуфт як манбаъ дар нерӯҳои амниятӣ ба РИА Новости.
"Магомед Омаров боздошт ва бозпурсӣ мешавад, писаронаш дар миёни ҷангҷӯёне буданд, ки ҳамлаҳои террористиро анҷом додаанд", - гуфтааст манбаи ин хабаргузорӣ.
Ҳамчунин, Шаби душанбе маълум шуд, ки Магомед Умаров аз ҳизби раиси ҷумҳури – “Русияи воҳид” ихроҷ шудааст.
Дар Telegram, Facebook ва Instagram бо мо бимонед.
“Корманди беҳтарини оперативӣ”. Ба ҷои Шоҳрух Саидзода кӣ сардори Раёсати кофтукови ҷиноии ВКД таъин шуд?
Занонро чаро мезананд? Андешаи сокинон дар бораи хушунати хонаводагӣ
5 усулгаро ва 1 ислоҳотхоҳ. Дар интихоботи Эрон имкони ғалабаи кӣ бештар аст?
Рӯзи Ваҳдати миллӣ муборак, ҳамватанони азиз!
Дӯстӣ: 15 соли зиндон барои қатли директори мактаб, оила ва фарзандони ноболиғи ӯ
Полковник ва сардори пешини милитсияи Конибодом. Сардори нави раёсати ВКД дар Суғд кист?
Дар Тоҷикистон заминҳои кишти пахта зиёду майдони кишти зироатҳои ғалладона кам шуд
ВНМО ва муҳоҷирони меҳнатӣ: хатарҳо, мушкилиҳо ва роҳҳои ҳал
Мусаллама Мухторова: “Соҳибунвонҳо” унвони маро надоранд!
Сатру ҳиҷоб ва ҷинси даридаву либоси нимурён. Пӯшидани кадом либосҳо дар Тоҷикистон манъ шуд?
Кулли ахбор
Авторизуйтесь, пожалуйста