Бо мусоидати сафоратхонаи Тоҷикистон дар Фаронса дар пойтахти ин кишвар – шаҳри Париж ҷашни Наврӯз хеле пуршукӯҳ таҷлил карда шуд.

Дар навори видеоие, ки аз ҷониби сафоратхона дар YouTube рӯзи 25-уми март гузошта шудааст, аён аст, ки дар Париж Наврӯзро бо риояи расму оин ва оростани дастархони идона бо «Ҳафт син»-у «Ҳафт шин» ҷашн гирифтаанд.

Дар ин чорабиние, ки паҳлӯи манораи маъруфи Эйфел баргузор шудааст, ба сокинони шаҳр намунаҳои суруду рақсу мусиқӣ, сарулибос, расму оинҳо ва маснӯоти ҳунармандии милли тоҷикӣ намоиш дода шудаанд.

Соли равон ҷамъиятҳои тоҷикон бо мусоидати сафоратхонаҳои кишвар таҷлили ҷашни Наврӯзро дар шаҳрҳои Ню-Йорк ва Маскав ҳам барпо карданд.