Бинобар сабаби баргузори корҳои таъмир дар шабакаҳои обтаъминкунии воқеъ дар кӯчаи Пушкини пойтахт, пагоҳ, 23-юми апрел аз соати 08-00 то 24-00 интиқоли оби нӯшокӣ ба чанде аз кӯчаҳои марказии Душанбе қатъ карда мешавад.

Бино ба иттилои хадамоти матбуоти мақомоти шаҳрдории пойтахт, дар ҷараёни таъмир ва пайваст намудани қубури Ø-635 мм, воқеъ дар кӯчаи Пушкин, аз буриши кӯчаи Шотемури ноҳияи Исмоили Сомонӣ, интиқоли оби нӯшокӣ ба қисматҳои алоҳидаи маҳаллаҳои аҳолинишини ноҳияи Исмоили Сомонҷ, аз ҷумла, кӯчаҳои Шотемур (аз хиёбони Рӯдакӣ то кӯчаи М.Турсунзода), Пушкин, Бохтар, Теҳрон, биноҳои истиқоматии №53, №62 ва №64 хиёбони Рӯдакӣ қатъ мегардад.

«Раиси шаҳри Душанбе Маҳмадсаид Убайдуллоев раҳбарияти ноҳияи Исмоили Сомонӣ ва КВД «Обу корези Душанбе»-ро вазифадор намуд, ки  бо истифода аз мошинҳои обкаш сокинони маҳаллаҳои номбурдаро бо оби нӯшокӣ таъмин намоянд», - хабар медиҳад мақомоти шаҳрдории пойтахт.