Дар боғи ботаникии шаҳри Душанбе товусҳо маскан гирифта, айни замон 55 товус атрофи амфитеатри воқеъ дар «Боғи Ирам» сайругушт доранд.

Директори боғи ботаникӣ Маҳмадраҳим Юсуфов ба «Азия-Плюс» дар ин робита иттилоъ дод, ки товусҳоро ба боғ як соҳибкор аз шаҳри Хуҷанд туҳфа кардааст, вале аз ифшои номи ин соҳибкор худдорӣ варзид. «Товусҳо дар қафас нигоҳдорӣ намешаванд ва озодона сайругашт мекунанд. Ду корманди боғ онҳоро нигоҳбуин ва назорат мекунанд», - гуфт ӯ.

Қобили зикр аст, ки имсол ҳам чун солҳои пешин дар «Боғи Ирам» ҷашни гулҳо гузаронида шуда, соли ҷорӣ дар ин боғ ба маблағи умумии 180 ҳазор сомонӣ 182 ҳазор бех 86 навъи гули шинонида шуд, онҳо аз Голландия оварда шуданд. «Ҳама ин гулҳо пурра ба шароити обуҳавои Тоҷикистон мутобиқ шуданд», - итминон дод Юсуфов.

Ба қавли ӯ, дастрасии гули лола «хеле гарон» меафтад. «Соли оянда ҳатман гулҳои лолаи гибридӣ шинонидан зарур аст ва аз ин рӯ, соли оянда мо аз Голландия ду маротиба бештар гули лола хариданием», - афзуд номбурда.