Бо ҷалби мутахасиисони эронӣ дар шаҳри Душанбе марказҳои омӯзиши асосҳои қолинбофии дастӣ таъсис дода мешаванд.

Тавре ба «Азия-Плюс» як манбаъ аз мақомоти шаҳрдории пойтахт иттилоъ дод, раиси шаҳри Душанбе Маҳмадсаид Убайдуллоев ба муовинони худ супориш додааст, ки дар ҳамдастӣ бо Вазорати корҳои хориҷии ҷумҳурӣ ва сафоратхонаи Эрон дар Тоҷикистон ин масъаларо то санаи 11-уми июл ҳаллу фасл намоянд.

Ба иттилои манбаъ, раиси пойтахт ҳамчунин ба раисони ноҳияҳо ҷиҳати таъсиси марказҳои эҳёи дигар ҳунарҳои мардумӣ-косибӣ ҷиҳати ҷалби занону духтарони хонашин барои омӯзонидани қолинбофӣ, гулдӯзӣ, зардӯзӣ,  сӯзанидӯзӣ, армуғон-барорӣ, заргарӣ ва дигар навъҳои косибӣ бо истифодаи меҳнати хонагӣ дар заминаи корхонаҳои истеҳсолии мавҷуда бо ҷалби соҳибкорони ватанию хориҷӣ дастуру супориш додааст.