Соли равон беш аз 13 ҳазор нафар хатмкунандагони мактабҳои таҳсилоти миёнаи умумии вилояти Суғд барои дохилшавӣ ба макотиби олии кишвар ҳуҷҷат супурданд.

Тавре аз хадамоти матбуоти раиси вилояти Суғд хабар доданд, соли равон мактабҳои таҳсилоти миёнаи умумии минтақаи шимоли ҷумҳуриро 30 ҳазору 750 нафар толибилмон хатм мекунанд. «Ба Марказҳои милли тестӣ 13 ҳазору 100 нафар хатмкунандагон ҳуҷҷат супоридаанд, ки 43 фоизи хатмкунандагони имсолаи мактабҳоро дарбар мегирад», - иттилоъ медиҳад манбаъ.

Қобили зикр аст, ки имсол имтиҳоноти қабул аз санаи 1-уми июл оғоз гардида, то рӯзи 12-уми июл идома меёбад.