Раёсати бозрасии давлатии автомобилии ВКД Ҷумҳурии Тоҷикистон ба диққати шаҳрвандон мерасонад, ки баҳри таъмини бехатарии ҳаракат дар роҳ зимни сафари расмии Сарвазири Ҷумҳурии Исломии Покистон Муҳаммад Навоз Шариф ба шаҳри Душанбе рўзи 17 июни соли равон аз соати 11.30 то 13.00 ҳаракати воситаҳои нақлиёт дар хиёбони Рӯдакӣ-Айнӣ-Дониш-Сомонӣ то фурудгоҳ, аз соати 13.30 то 15.00 дар хиёбони Сомонӣ-Рўдакӣ-Майдони Дустӣ ва аз соати 17.00 то 18.00 хиёбони Сомонӣ аз хиёбони Сино то хиёбони Рӯдакӣ-Бухоро дар ҳолатҳои зарурӣ муваққатан маҳдуд карда мешавад.

Рӯзи 18-уми июн низ аз соати 09.00 то 12.00 ҳаракати воситаҳои нақлиёт дар хиёбони Сомонӣ аз хиёбони Сино то хиёбони Рудакӣ, хиёбони Рудакӣ аз кӯчаи Карамов то хиёбони Айнӣ, хиёбони С.Шерозӣ, кӯчаи Ҷ.Расулов, Б.Ғафуров, Н.Ганҷавӣ, роҳи Душанбе Хуҷанд-Чанок то бустонсарои беруназшаҳрии «Пуғуз» ва аз соати 14.00 то 15.00 ҳаракати воситаҳои нақлиёт аз бустонсарои беруназшаҳрии «Пуғуз» то фурудгоҳи байналмилалӣ дар ҳолатҳои зарурӣ муваққатан маҳдуд карда мешавад.