Аз соли 2015 шаҳрвандони Тоҷикистон танҳо бо шиносномаи хориҷӣ ба Русия ворид шуда метавонанд.

Хотиррасон мекунем, ки вуруду хориҷ аз Русия, транзит, ҳаракат ва будубош дар қаламрави Русия барои шаҳрвандони Тоҷикистон бар асоси шиносномаи шаҳрванди Тоҷикистион ё шаҳодатнома дар бораи таваллуд (барои кӯдакони синнусоли то 16-сола) бо ишораи мансубият ба шаҳрвандии Тоҷикистон амалӣ мегарадид. Акнун ин қарор аз эътибор соқит карда мешавад.

Нахуствазири Русия Дмитрий Медведев қарор «Дар бораи тағйири номгӯи ҳуҷҷатҳо барои вуруд ба Русия ва хориҷ шудан аз Русия барои шаҳрвандони Ҷумҳурии Тоҷикистон»-ро ба имзо расонид. Он дар сомонаи расмии ҳукумати Русия интишор шудааст. Лоиҳаи қарор аз ҷониби Хадамоти федералии муҳоҷирати ин кишвар омода шудааст.

Ба иттилои Взгляд.ру, қарор аз 17-уми июни соли 2014 муқаррар мекунад, ки шаҳрвандони Тоҷикистон танҳо бо шиносномаҳои хориҷӣ, хидматӣ, дипломатӣ, баҳрнавардӣ ва шаҳодатномаи бозгашт ба Тоҷикистон ба Русия ворид ва хориҷ шуда метавонанд.